صيد ثعبان البحر (سمكة الحنش البلدى الأخضر )

ثعبان البحر (سمكة الحنش البلدى الأخضر )

صيد ثعبان البحر

صيده سمكة الحنش فى الغالب بيكون ليلا ودايما قبل يوم البوستاشى

الطعم : 

دود أرض ، يطعم كاملاسردين بلدى مملح أو طازج ، بساريا طازجه أو مملحة ، نطاط طازج 

صيد ثعبان البحر

أماكن صيده :

يمكن صيد ثعبان البحر فى مصبات المياه العذبة مثل مصب ترعة المكس بجوار حجرة خفر السواحل مباشرة ، بجوار مطعم زفير على الطبلية الخرسانة أمام محلات فؤاد بالمكس ، مصب ترعة الكيلو 21 و الجلوس إما قبل المصب مباشرة اللسان الشمال أو بداخل مجرى الترعة فى الكوعات ، أحواض الموانىء بالأسكندرية و الدخيلة و الطرح و إدكو ... إلخ

طريقة صيد ثعبان البحر :

الصيد ببوصه يد 6 أو 7 متر و رصاصه حرة على الأرض
أو بالبوصة المكنة و رصاصة مقاس 3 حرة على الأرض
سنار الأمين مقاس 6 فى الدود و مقاس 4 فى أى طعم أخر
ساق ترميل واحد تحت الرصاصة فى الحالتين طوله من 40 إلى 50 سم
لو حد تانى بيستخدم طريقه تانية فى صيد الحناش ...
ياريت يفيدنا بيها و يشرحها لنا و نتعلم كلنا منها ..

صيد ثعبان البحر

ملحوظات هامة :

لا تنسى ان ترتدى ملابس ثقيلة و ثقيلة جدا
لا تنسى بالطو المطر أو ما يحفظك من الأمطار
لا تنسى الأيس كاب و الكوفية و فوطة قطنية لتمسك بها الحناش
لا تنسى المشروبات الساخنة
لا تنسى الملقاف و كشاف الرأس ( هام جدا )
لا تنسى ان تكون فاتح صامولة النجمة أعلى حلة الشعر بالمكنة
لا تنزل على الحواف الطينية أبدا حتى لا تقع و إختار لقدمك مرمى من الطوب لكى تقف بطريقة صحيحة وخصوصا على ترعة الكيلو21

صيد ثعبان البحر

أتمنى للجميع صيد سمك وفير و رزق جميل و حصيلة ممتازة إن شاء الله

اتمنى للجميع الافادة وعشان تستفيد اكتر ادخل على 

https://al-sayad.blogspot.com

تابع معنا أيضا للمزيد من الخبره و المعلومات

طريقة صيد السمك بالعنب

  تحضير دود السبله لإستخدامه فى الصيد

 

طريقة صيد السمك بالبلح 

صيد البوري بالربع (المشنقة)