صيد سمك البوري
سمك البوري
تنتشر هذه الفصيلة في جميع أنحاء العالم في المياه الساحلية المعتدلة والمدارية،كما تعيش بعض أنواعه في المياه العذبة.
و يتواجد البورى عادة في المياة متوسطة العمق يعني بداية من 3 وحتى 7 امتار عمق تقريبا و بيعيش فى البيئتين المياه المالحه و العذبه
شكل سمكة البوري
سمك البوري
يتميز بوجود زعنفتين منفصلتين على الظهر، وفم صغير مثلث، وبعدم وجود عضو للخط الجانبي و يتغذى على الفُتَات و الكائنات الدقيقه ومعظم أنواعه لديها معدة عضلية غير معتادة وبلعوم معقد للمساعدة في الهضم.
وسمك البورى من انوع السمك التى تعيش فى مجموعات كبيرة و يطلق الصيادين على البورى اسماء حسب حجمه
فالصغيرمنه يطلق عليه ( جران ) أما المتوسط( بوري ) أما الاحجام الكبيره من سمك البوري فهى ( كمبوت )
وسمك البورى من انوع السمك التى تعيش فى مجموعات كبيرة و يطلق الصيادين على البورى اسماء حسب حجمه
فالصغيرمنه يطلق عليه ( جران ) أما المتوسط( بوري ) أما الاحجام الكبيره من سمك البوري فهى ( كمبوت )
موسم صيد سمك البوري
يتواجد البورى طوال العام و لكنة بيقل جدا في عز الصيف وعز الشتاء يعني لما المية تسخن قوي ولما تبرد قوي
كيف تصطاد سمك البوري
يمكن صيد سمك البوري بأكثر من نوع طعم لكن الأكثر انتشارا هو إستخدام نوعين فقط من العجين و لهم طريقه محدده فى التحضير و التزفير كالتالى :
اولا : العجينة الطرية
تتكون من ( كوب دقيق ، مية حسب الاحتياج ، سكر )
نبدأ بخلط الدقيق بالماء مع كميه صغيره من السكر و يتم التقليب جدا فى اتجاه واحد مع اضافة الماء تدريجيا حتى يصبح القوام متمكاسك ثم يرفع على النار ونقلبة حتى يصبح متماسك بقوام شبيه بشحم السيارات بعدين بنسيبها تبرد ونحطها في علبة ونحفظها
عيب العجين دا فى طريقة وضعه على السنار لأنك بتحط قطعه عجين صغيره على لسانك وتحط عليها السنار وتلف العجينه عليه بحيث تبقي قطعة العجين على قد السلاح بالظبط ف أى غلطه هتلاقي السنار راشق ف لسانك
نبدأ بخلط الدقيق بالماء مع كميه صغيره من السكر و يتم التقليب جدا فى اتجاه واحد مع اضافة الماء تدريجيا حتى يصبح القوام متمكاسك ثم يرفع على النار ونقلبة حتى يصبح متماسك بقوام شبيه بشحم السيارات بعدين بنسيبها تبرد ونحطها في علبة ونحفظها
عيب العجين دا فى طريقة وضعه على السنار لأنك بتحط قطعه عجين صغيره على لسانك وتحط عليها السنار وتلف العجينه عليه بحيث تبقي قطعة العجين على قد السلاح بالظبط ف أى غلطه هتلاقي السنار راشق ف لسانك
ثانيا : العجينة الناشفة
ودي بتكون للصيد بالربع وهي عبارة عن عيش بلدي عادي جدا وبنبلة ونعجنة بادينا ونسيبة جنبنا في الشمس او الهوا ولو احتاج مية تاني نديلة وده تطعيمة ساهل جدا لانك بتاخد حتة وتحط الرصاصة في نصها وتلف العجينة عليها بايدك و تضغط عليها زي ما تكون بتعمل كفتة .
اما عن تحضير المرمى و التزفير
بتجمع السمك أولا وده بيكون بالتزفير ودا له طريقه معينه بيكون بعيش مبلول في جردل مية لغاية ما يفرول وتعملة كور صغيرة وترمية في المية ,والتزفير للبوري شئ اساسي لان البوري بيتجمع على ريحة العيش في المية وكمان لازم تلاحظ ان مع كل سمكة تطلعها لازم ترميلك كورة او اتنين تزفر بيهم علشان تثبت السمكة تحت منك التزفير بيكون قبل ما تبتدي تصطاد بفترة ممكن توصل ساعتين ويكون متواصل علشان تقدر تجمع اكبر كمية من البوري .
 |
| سمك بوري |
طرق صيد البوري
البورى من الاسماك الحساسة جدا علشان كده لازم نختار وقت الصيد وعدة الصيد المناسبة صيد البوري يكون بهدوء شديد ولو بتصطاد بالنهار لازم تختار مكان لا ينعكس الظل المترتب عن خيالك على المية يعني لا تجعل الشمس في ضهرك علشان ظلك مايجيش على المية بالذات و انت بتصطاد بالبوصه اليد
صيد البوري بالبوصة اليد العادية
نزولك فى الميه دايما بيكون بالراحه جدا لحد م تستقر الفله على وش الميه لأن البوري سمكه جبانه ، كمان حركة الفله بتبقي سحب بسيط لأن فتحة بقه صغيره ف بياكل من الطعم حتت صغيره ، كمان لما تيجي ترد على غمزة السمكه و سحبها متردش جامد لأن بقه ضعيف وكمان لو السمكه كبيره ممكن تقطع معاك أو تطفش السمك اللى حضرته فى المرمي
بطريقه من اثنين
بطريقه من اثنين
1- الصيد بالفلة
أقصي شعر اساسي ممكن نستخدمه 25 اما الترميل من 12 حتى 20 و السنار يكون 10او11 او 12
صيد البوري بالفلة يكون طعمك عجينة ومش اي عجينة لازم تكون طرية( عجينة صيد السمك ).
بالنسبة لشعر الترميل بيكون قصير يعني فرع 25 سم والتاني 20 سم
العمق اللي بتصطاد علية يكون نص عمق المية
صيد البوري بالفلة يكون طعمك عجينة ومش اي عجينة لازم تكون طرية( عجينة صيد السمك ).
بالنسبة لشعر الترميل بيكون قصير يعني فرع 25 سم والتاني 20 سم
العمق اللي بتصطاد علية يكون نص عمق المية
2- صيد البوري بالربع (المشنقة)
شعر اساسي 25 طولة نص عمق المية ، شعر الترميل 15 الى 20 ويكون بدون فلة و السنار مقاس 5 أو 6
وبيكون عدد من 5 الى 8 سنانير بنعمل 3 طولهم حوالي 10 سم والباقي طولهم حوالي 5 سم , وبنحط رصاص شريط حوالين مكان توصيل السنانير ,الصيد بيكون بعجينة ناشفة , بتحط العجينة على الرصاص وبتنزلها المية بالراحة لغاية ما اللبلوب بتاع البوصة يوصل اول المية في الطريقة دي البوري هو الي بيوقع نفسة وعلشان كده سموها المشنقة. وممكن نستخدم طعم تاني مع الطريقة دي وهو السردين تشيل راس السردينة وتفتحها من بطنها وتعلقها على السناير يعني تخلي السنانير كلها جوة بطن السردينة وتغرزها فيها من جوة .
وبيكون عدد من 5 الى 8 سنانير بنعمل 3 طولهم حوالي 10 سم والباقي طولهم حوالي 5 سم , وبنحط رصاص شريط حوالين مكان توصيل السنانير ,الصيد بيكون بعجينة ناشفة , بتحط العجينة على الرصاص وبتنزلها المية بالراحة لغاية ما اللبلوب بتاع البوصة يوصل اول المية في الطريقة دي البوري هو الي بيوقع نفسة وعلشان كده سموها المشنقة. وممكن نستخدم طعم تاني مع الطريقة دي وهو السردين تشيل راس السردينة وتفتحها من بطنها وتعلقها على السناير يعني تخلي السنانير كلها جوة بطن السردينة وتغرزها فيها من جوة .
 |
| سمك بوري مشوي |
صيد البوري بالبوصة والماكينة (السندويتش)
الشعر الاساسي 40
شعر الترميل 30 او 35 وده لازم لان السمك اللي بيضرب عليك سمك تقيل
السلاح بيكون حوالي 6 او 7
بنربط 10 او 15 سناره كلها متواليه فى شعر حوالى متر و نصف وبتكون الرصاصه متوسطه الوزن و حره يعنى مش بنثبتها ونجيب قطعة فل حوالى 15 سم فى 10 سم و عيش بلدى بس نقلب الرغيف بحيث يكون الجزء الداخلى هو اللى بره ونلف العيش على الفله ونلف الشعر بالسنار على العيش بحيث يكون السنار موزع على جميع اجزاء العيش ونجيب استيك عادي من بتاع الفلوس علشان يثبتهم كلهم مع بعض .
لما بترمى بالماكينه علشان الرصاصه حره بتنزل و تثبت على الارض و يطفو العيش على سطح و ما يتحركش مع تيار المياه و لما السمك بيحاول ياكل العيش بيشبك نفسه فى السنار
طبعا لو غاوي صيد زيي لازم تزور صفحة تعلم صيد السمك واذا بتتعب من صيد التسقيط يبقي اكيد محتاج تعرف علاج دوار البحر
شعر الترميل 30 او 35 وده لازم لان السمك اللي بيضرب عليك سمك تقيل
السلاح بيكون حوالي 6 او 7
بنربط 10 او 15 سناره كلها متواليه فى شعر حوالى متر و نصف وبتكون الرصاصه متوسطه الوزن و حره يعنى مش بنثبتها ونجيب قطعة فل حوالى 15 سم فى 10 سم و عيش بلدى بس نقلب الرغيف بحيث يكون الجزء الداخلى هو اللى بره ونلف العيش على الفله ونلف الشعر بالسنار على العيش بحيث يكون السنار موزع على جميع اجزاء العيش ونجيب استيك عادي من بتاع الفلوس علشان يثبتهم كلهم مع بعض .
لما بترمى بالماكينه علشان الرصاصه حره بتنزل و تثبت على الارض و يطفو العيش على سطح و ما يتحركش مع تيار المياه و لما السمك بيحاول ياكل العيش بيشبك نفسه فى السنار
طبعا لو غاوي صيد زيي لازم تزور صفحة تعلم صيد السمك واذا بتتعب من صيد التسقيط يبقي اكيد محتاج تعرف علاج دوار البحر
اتمنى للجميع الافادة وعشان تستفيد اكتر ادخل على
https://al-sayad.blogspot.com
تابع معنا أيضا للمزيد من الخبره و المعلومات
طريقة صيد السمك بالعنب
تحضير دود السبله لإستخدامه فى الصيد
طريقة صيد السمك بالبلح
صيد البوري بالربع (المشنقة)
تعليقات
إرسال تعليق