أنواع خيوط الصيد وازاى افرق بينهم

انواع خيوط الصيد 

وأسعار خيط صيد السمك ..... وإزاي نختبرها قبل الشراء ... خلينا مبدئيا نقول إن أهم أدوات صيد السمك هي خيط صيد السمك ، و لكل نوع خصائصه و استخداماته التي تجعله مناسبًا لنوع معين من الأسماك أو ظروف الصيد.

أولا : خيط الصيد النايلون او البلاستيك
هو اكثر انواع خيوط صيد السمك إنتشارا بسبب رخص سعره لأن البكره ال100متر ثمنها يبدأ من 10 جنيهات وحتى 20 جنيه .
مشكلته الاكبر ان عمره الافتراضي قليل مقارنة بباقي الانواع كما وأنه هو الاقل قوه فى نفس تخانة الخيط كما أنه  من خيوط الصيد الغير مرنه .

ملحوظه : اقصد بتخانة الخيط قطرة ، وعلي سبيل المثال لو افترضنا وجود قطعة من كل نوع بنفس القطر فبالتاكيد الانواع الاخرى ستتحمل و خيط الصيد النايلون سيكون اول من ينقطع .
ثانيا : خيط الصيد الفلوروكربون:
وهو تقنيه حديثه في صناعة النايلون.
يتميز بقوته اضعاف خيط الصيد النايلون العادي ويميزه أكثر كونه معالج بشكل يجعله غير مرأي تحت المياه كما ان عمره الافتراضي كبير و مرونته عاليه بعكس خيط صيد السمك النايلون العادي ، فبالتالي مابيلفش حوالين نفسه( يعمل زي السوسته _ يلوي _ يورور ) سعره غالي شويه البكره ال100متر بتبدأ من ٧٠ ج وانت طاااااالع .
المضروب من خيط الصيد الفلوروكربون في السوق كتير علشان كدا الناس كرهته وبعدت عنه .

خيط الصيد الفلوروكربون

ثالثا : خيط صيد السمك الحرير:
هو خيط صيد طبيعي وغير منتشر مثل باقي الخيوط لثقل وزنه وتخانته - قطره - أيضا وبسبب سرعة تحلله اغلبنا بيستعمله للترميل فقط في بعض الطعوم اهمها المصران .
بنشتريه باللفه وتسمي " شاليه " وسعر الشاليه حوالى ١٠ جنيه او ممكن بكره ربع كيلو سعره ٢٥ جنيه .
رابعا : خيوط الصيد البريد :
وهو من خيوط صيد السمك الصناعيه ،  يتكون من مادة البوليستر مغزوله .
يتميز بعمره الافتراضي فهو أكبر من الحرير كما انه جدا قوي لكن معدوم المرونه مما يجعله الاختيار الافضل ليعطيك بيدك اعلي احساس بنقر السمك كما أن وزنه خفيف و لايتشرب بالماء .
سعره للبكره ال100متر يبدأ من 100 جنيه.

 خيوط الصيد البريد

خامسا : خيوط الصيد الداكرون :
خيط مخلوط من الحرير والبريد ، و خيط الصيد الداكرون يتميز بمواصفات أعلى من البريد واكثر قوه منه لكنه اقصر عمرا منه وفي نفس مستوي السعر تقريباً .

خيوط الصيد الداكرون

سادسا : واير الصيد :
هو خيط صيد السمك الوحيد المصنوع من المعدن ، فهو سلك من الصلب مجدول "مضفر" يوجد منه مكسي بلاستيك او غير مكسي وايضا يباع منه جاهز بالمدور بأطوال مختلفة تصل حتى 50سم و أكثر ، سعره يبدأ من ٧٥ جنيه .

 واير الصيد

ملحوظه: الاسعار كلها في مصر واغلب المنتجات المتاحه من الانتاج الصيني .
ملحوظه٢ : وحدة قياس سمك خيط الصيد  1/100من المللي يعني خيط 50 بيساوي نص مللي.
ملحوظه ٣: وحدة قوة السحب في الماء وليس الرفع او السحب خارجه ، بالليبره وهي تقريباً 450جرام.

عرفنا انواع خيط الصيد يبقي فاضل نعرف هوا كويس ووجدته كويسه ولا لأ وإحنا بنشتريه :

أولا و مبدئيا شعر الصيد النايلون اقل من مقاس 10 هتقوم بلف لفتين علي صابعك وتشد وعلي حسب المده الي هايقعدها معاك علي مايقطع هاتحدد جودته .
 ثانيا الشعر النايلون من مقاس  10 وحتى مقاس 25 ، هتلف لفتين ثلاثه لكن المره دى على كف إيدك و برضو شد ، وحسب المده برضو هتقدر تجدد جودته .
ثالثا شعر صيد السمك النايلون بداية من 25 وحتى 40 عقده ولفتين ثلاثه علي كف إيدك ، أو يفضل على قطعة خشب وتشد بقوه مش تنتش .

رابعا بقي النايلون من مقاس 40 واكثر ، بتفرد قطعه ١٠ سم مثلا و تحاول  تقطعه بنابك ( الناب مابين الاسنان والضروس ) ، لو قطم سريعا بلاش منه ، اما لو عض معاك و غلبك يبقي تمام.
أما عن شعر الداكرون و البريد كل المقاسات بتتجس بالناب أما لو مش عارف تفرقهم من بعض ولع في طرف الخيط .
الشعر البريد لون النار  بيطلع نار لونها ازرق او بنفسجي لكن الشعر الداكرون ناره حمراء او مصفره شويه.
 أخير وأسهلهم الواير بتتنيه لو اتني بسهوله علي شكل زاويه يبقي مش صلب وكمان وجرب قوته بالقصافه لو طول علي مايقطع يبقي تمام.

عوامل اختيار خيط الصيد:

عند اختيار خيط صيدك للسمك ، لازم تركز ف كام نقطه مهمين عشان هيفرقو ف حصيلة الأسماك التي ستحصل عليها : 

١- نوع السمك المستهدف: لكل نوع من الأسماك متطلبات مختلفة من حيث قوة الخيط ومرونته.

٢- ظروف الصيد : العمق ، التيار ، نوع القاع ، كل هذه العوامل تؤثر طبعا على اختيار خيط صيد السمك .

٣- طريقة صيد السمك : صيد شاطئ ، صيد تسقيط ، تشةيح الصب، القفص، الطعم، كل طريقة لها خيط صيد مناسب لها.

٤- الميزانية : طبعا المبلغ متاح لديك مؤثر جدا ف عملية اختيارك خيط صيد السمك لأنها تختلف أسعار بشكل كبير من نوع لآخر .

نصائح مهمه لاختيار خيط الصيد

١- جرب أنواعًا مختلفة: لا تتردد في تجربة أنواع مختلفة من الخيوط حتى تجد الأنسب لك ولظروف صيدك.

٢- إسأل أهل الخبره : لا تتردد في سؤال الصيادين ذوي الخبرة عن أفضل أنواع الخيوط.

٣- حافظ عليه : قم بتنظيف خيط صيد السمك وقم بتجفيفه بعد كل استخدام لتمديد عمره.

وفي الختام بقولك صديقي غاوي الصيد إن اختيار خيط صيد السمك المناسب موضوع مهم لتحقيق صيد ناجح وممتع ، لتتمكن من اختيار الخيط الذي يناسب احتياجاتك ويضمن لك تجربة صيد ممتعة .

 

طبعا لو غاوي صيد زيي لازم تزور صفحة تعلم صيد السمك

واذا بتتعب من صيد التسقيط يبقي اكيد محتاج تعرف علاج دوار البحر

اما لو لسه هتبدأ تتعلم ف شوف كيف تختار البوصه المناسبه ؟

وطبعا تتعلم شويه من موضوع صيد السمك بالسناره للمبتدئين

تابع معنا أيضا للمزيد من الخبره و المعلومات

أسماك المياه العذبه في مصر

عشان تستفيد اكتر ادخل على 

مدونة تعلم صيد السمك للمبتدئين

تابع معنا أيضا للمزيد من الخبره و المعلومات 

 

أفضل طعم صناعي لصيد السمك

 

الفرق بين سمك البوري و سمك الطوبار 

 

كيف تصطاد الكابوريا

 

صيد الكاليمارى والسوبيط