أفضل أماكن الصيد في الدمام والخبر

الموضوع بناءا على التجربه واجتهاد شخصي و وارد يكون في اماكن افضل وان شاء الله سوف يكون بوصف تفصيلي عن 

أفضل أماكن صيد السمك في الدمام والخبر 

المكان طبعا لوحده مش كفايه فإختيار التوقيت الصحيح ايضا عليه عامل بالاضافه لطريقة الصيد غير عوامل تانيه كتير بيكتسبها الصياد مع الوقت ودى اللى اسمها الخبره .
يعني في بعض الاوقات تروح مكان وخيطك ما يوقف من التسحيب وتكون أفضل أيام تصيد فيها أسماك وأحيانا تروح لنفس المكان مره وحدة وتصيد ومراه تانيه ما تلاقي شيء كأن خيطك ببركة سباحة لا نقد ولا حتى منجوس هههه ، وللأسف كلنا ناخذ فكرة سيئة عن مكان صيد الأسماك ويكون هذا المكان عكس ما تصورناه ، يكون فيه صيد ممتاز ولكن اختيارك للوقت كان غلط .
أولا لازم كل واحد يمارس هواية صيد الأسماك (الحداق) يعلق رزقه على رب العالمين يمكن اثنين ربع جالسين جنب بعض خويك كل رمية بسمكة وأنت ما تصيد شيء فكلها ارزاق من الله عز وجل.
ثانيا أوقات الصيد بالتاريخ الهجري فهو أهم شيء للصياد معرفته متى أفضل أوقات الصيد في الشهر الهجري لأنه يتعلق بأوقات السقي (المد) والثبر (الجزر).
ثالثا أحوال الطقس والتقلبات التي تحدث للبحر من التيارات القوية وارتفاع الأمواج والغبار ويسمى عندنا بالشرقية البحر أنه (مدلخ) يعني تلاقيه هايج والموج عالي وهذه الأحوال ما يصلح فيها الصيد.
رابعا نوع الييم ( طعم صيد السمك المستخدم ) فهو ضروري جدا جدا ،فأنا قد جربت كل أنواع الطعوم من خثاق وروبيان ومنجوس وميد وغيره لقيت أن مو كل أنواع الطعوم تنفع ، كل بحر يصلح معاه طعم معين وأيضا كل نوع سمك مختلف عن غيره .
خامسا نوع الخيط اللي تستخدمه بالصيد هل هو سنارة أو خيط عادي وأيضا طريقة تركيب المد وغيره .

 أفضل أماكن صيد السمك في الدمام و الخبر هي:

أولا : 

حي الشاطئ عند قهوة دربي سابقا اللي تجي بعد انتهاء سور المزروعية.
اسفط الموتر بالمواقف وتوكل على الله أنزل وصيد ونوع الطعم المستخدم هو روبيان ثم العجين (أي عجين).
كنت أشتري عجين تميس من الخباز اللي بالشاطئ وأخليه مدة بالهوا علشان يجمد وأروح أصيد فيه بس الروبيان هو أبو الطعوم عندي وعليكم بالروبيان الصغير الأخضر الزفر فهو ممتاز جدا.
أوقات الصيد فيه  بأول الشهر ونص الشهر وآخر الشهر لما تسقي الماية وتختم سقيتها يعني يوصل المد إلى الأخير يبدأ الصيد إلى نهاية الثبر يعني الجزر.
أنا بالعادة أروح بعد صلاة الفجر وبعد صلاة العصر ومدة الصيد من ساعتين إلى ثلاث ساعات وأصيد بمعدل 10 إلى 15 كلهم شعوم من اللي تحبها قلوبكم والخيط لا ترمية بعيد على بعد ثلاثة أو أربع أمتار بس يعني قريب مرررره وبدون بلد ( ثقاله ) يعني صيد سماري وفي كره صغيرة تنباع بمحلات الصيد رخيصة تركب عليها الخيط والمد اللي فيه الميدار والكرة رح تخلي الخيط طافح ويفضل يكون الخيط ناعم واللون أبيض مقاس 50 .

ثانيا :

 العزيزية و هو شاطئ تالا وأفضل الأوقات لما يكون المد بالليل والصيد بالروبيان بس وفي بعض الاوقات القليله الميد ينفع.
لكن هذا المكان مشكلته التيارات المائية قوية يعني دايما هوا لأنه مكان مفتوح لكن في أيام يكون البحر راكد والصيد أفضل ما يكون والصيد بالسنارة وارمي بعيد شوي.

ثالثا : 

 هناك مكان في آخر الهاف مون عند الدوار الجديد اللي يودي على سلوى والزبنه لما توصل عند الدوار تلف وترجع على طريق الهاف مون مرة ثانية يصير المكان على يدكم اليمين بعد الدوار مباشرة بيجيلكم شارع فرعي دخلوا معاه يوصلكم إلى البحر روحوا الجهة اللي على اليمين بس لا تقربون على الشاليهات علشان يجيكم سلاح الحدود.
أفضل اوقات الصيد هنا لما يكون المد بالليل وأفضل طعم الربيان لا يعلى عليه طعم
لكن هذا المكان فيه مشكلتين المشكلة الأولى وجود تيارات بحرية قوية زي تالا والمشكلة الثانية أن كله حصى يعني خيوطك بتتقطع فالحل في بمحلات الصيد يبيعون كرة كبيرة زي كرة البيسبول تركبها بدل الثقالة لأنه تجر الخيط معاها وثقيلة وتطفح والصيد بالسنارة ورمي بعيد شوي.

رابعا : 

 في مكان أخير لكن والله ماني عارف كيف أوصفه لأنه معقد شوي ولكن هو بالعزيزية بين الشاليهات جنب شاليه مهجور .
هذا المكان عجيب غريب ففي أحيان كثيرة ما أصيد شي وأحيانا أصيد بالثنتين (حلالي) ونكون احنا ثلاث صيادين نصيد بين 30 إلى 40 سمكة من قرقفان وشعوم وأحيانا شعري وفسكر ولحلاح ومشوه .

أفضل أوقات صيد السمك :

أفضلها لما يكون المد ليلا مع حركة الاسماك ونستخدم في الصيد الربيان وأحيانا بصلاخة الميد وطبعا الصيد بالسنارة ونرمي بعيد شوي .
أرجو أن أكون قد افدتكم نفع الله بي وبكم و ان شاء الله من نجاح لنجاح  .

عشان تستفيد اكتر ادخل على 

مدونة تعلم صيد السمك للمبتدئين

تابع معنا أيضا للمزيد من الخبره و المعلومات 

أفضل طعم صناعي لصيد السمك

 

الفرق بين سمك البوري و سمك الطوبار 

 

كيف تصطاد الكابوريا

 

صيد الكاليمارى والسوبيط

 

طبعا لو غاوي صيد زيي لازم تزور صفحة تعلم صيد السمك

 
واذا بتتعب من صيد التسقيط يبقي اكيد محتاج تعرف علاج دوار البحر

 
اما لو لسه هتبدأ تتعلم ف شوف كيف تختار البوصه المناسبه ؟

وطبعا تتعلم شويه من موضوع صيد السمك بالسناره للمبتدئين