صيد كاليماري و سوبيط و ما الفرق بين السبيط والكاليماري

ايه الفرق بين الكاليماري وبين السوبيط ؟

كلمة كاليماري هي الكلمة الايطالية للحبار وبالانجليزية squid بنوعيه العريض (اللي بنقول عليه سبيط) والطويل (اللي بنقول عليه كاليماري) يعني مافيش حاجة اسمها سمك كاليماري وحاجة اسمها سمك سبيط ... الفكره انهم الاتنين ممكن يتقال عليهم كاليماري أو سبيط لأنهم فصيل واحده اسمه الحبار البسيط

الفرق بين الكاليماري وبين السوبيط 

أما عن التقسيم الدارج فى مصر والفرق بين الكليماري و السبيط فنوضحه كالتالى

السبيط

 هو صاحب شكل عريض المنكبين وفى الانجليزيه هو  grin emoticon وعظمته عريضة وسميكه ولحمه سميك

الكليماري

شكل الكاليماري مبروم بجسم مخروطي وعظمته خفيفة ورفيعة شفافة  ولحمه رفيع .

سمكة الكليمارى او السبيط من الرخويات البحرية التى تتمتع بقوة غير عادية فى الشد أثناء صيدها حتى ولو كانت صغيرة الحجم بالرغم من سهولة وصعوبة صيدها.

كاليماري سبيط

موسم صيد  السبيط والكاليماري

موسم الصيد لها يبدأ من شهر 8 وحتى اخر شهر 3  وأفضل وقت ل صيد الكاليماري و صيد السبيط بيكون ف الايام من 7-22 من الشهر العربي وبعد المغربية وقبل الفجر
و فى موسم التزاوج من 4-7 وبيبقى شغال برضك كويس جدا من شهر 10-12 وهو بيبقى شغال طول السنة لكن أشده في الشتا، وكمان مع طلوع البحر إلى الجذر وقمة الصيد في الليالي القمرية ودي شفتها بنفسي ليلة 14 كان الشغل على ودنه وأحجامها تترواح مابين الربع كيلو الى الخمسة كيلو .

الفرق بين الكليماري و السبيط

أفضل اماكن صيده فى الاسكندريه

أفضل مكان ظبط معايا جوه اسكندريه كان من فوق كوبري ستانلى لكن له أماكن كتير زي المحروسه ولوران وجليم و المنتزه و لسان 26 يوليو وسيدى جابر واسبورتنج

طريقة صيد السبيط و صيد الكاليمارى

الطعم

يستخدم فى صيده اللباره "رابله" وهى عباره عن جسم بألوان فاقعه ومصنوع من نوع من المواد التى تمتص الاضاءه و تحتفظ بها لفترات وتلمع في الظلام

الادوات

بيكون  ببوصة من 3.5 م الى 4.25 م ، ممكن غماز وطبعا رابلة كاليماري لا تزيد عن 40 سم
ولها طريقتين فى صيدها

صيد الكاليماري و السبيط 

الطريقه الاولى :

صيد الكاليماري و السبيط 

 ربط اللباره على شعر المكنه ويتم الرمى ثم التجريه عليها برفق حتى يتاح لها رؤيه اللباره وتعطيها وقت لتمسك اللباره

الميزه هنا انك بتكون على الارض واللباره بتتحرك فوق الوعر فبتطلع احجام محترمه كبيره ومتوسطه لكن المشكله إنك لو وعرت والصخره تملكت من اللباره بتضيع منك و بتضطر تحط غيرها

الطريقه الثانيه :

صيد الكاليماري و السبيط 

نضع فله متوسطة الحجم على شعر المكنه وبنربط اللباره وناخد عيار للفله من متر الى متر ونص ونرمى ونلم على مهلنا اوى كده بتكون بعيده عن الوعر لكن نسبيا برضه بعيده عن السبيط والكلامارى الكبير و الطريقه دى أقل فعاليه من الطريقه الاولى لكن اوقات كتير بتظبط

لأنه السبيط و الكاليماري ساعات بيكون عايم 

خد بالك بقي :

صيد الكاليماري و السبيط 

1- الفصيله دى بتمشي فى مجموعات من 3 الى 5 وممكن سبعه كمان ف لو مسكت معاك الطعم ومعاك حد خليه يرمي جمبك و بنسبه كبيره جدا هتشبك معاه واحده

2- تلم بالراحه حتى بعد م الطعم يمسك لأن اللباره حاميه اوى ولو لميت بسرعه أو قرصت فى اللم اللباره هتجرح جسمها وبتروح مش بس كده د كمان بتبخ حبرها و ساعتها كل السمك اللى فى الميه و كل السبيط والكاليماري اللى فى الميه هيهرب

3- اللباره بتحتاج تتحط قدام الضوء عشان تتشحن ف لازم تأكد على الموضوع دا قبل الخروج للصيد

4- أفضل الاوقات لصيده هى الليالى القمريه لكن هو موجود طول السنه 

5- عند إخراجه يترك قليلا على الشط حتى يخرج وحده من الرابله وإلا يبخ الحبر ويبهدلك

6- في حاله افلاته تسحب الرابله ثم الحدف في نفس المكان او بالقرب منه لالتقاطها مره اخري طالما لم يبخ الحبر

7- يفضل وجود كشاف أو أي نور في المية ويمكن اصطياده من المركب أيضا

8- يمكنها بخ الحبر على بعد مترين او اكثر ولا ينتهى لأن فى لحظة خروجها تقوم بتعبئة نفسها بالماء ولا ينتهى منها بخ الحبر الا بأنتهاء الماء المخزن بداخلها ولو نزلت فى الميه تانى ستكرر نفس العملية بدون انتهاء فعليك وضعها فى اى مكان حتى تصفى الماء بداخلها .
طبعا لو غاوي صيد زيي لازم تزور صفحة تعلم صيد السمك واذا بتتعب من صيد التسقيط يبقي اكيد محتاج تعرف علاج دوار البحر

اتمنى للجميع الافادة وعشان تستفيد اكتر ادخل على 

https://al-sayad.blogspot.com

تابع معنا أيضا للمزيد من الخبره و المعلومات 

انواع السمك اللى ياكل عجين

صيد سمك اللوت

صيد الكابوريا

صيد الكاليمارى و السبيط

و بالتوفيق ان شاء الله