ربط الشعر فى اللبلوب
ربط الخيط في اللبلوب
 |
| أجزاء البوصه |
بشوف ناس كتير بتربط الشعر في حرف اللبلوب ، وده غلط ، مينفعش تعتمد على اضعف نقطه فى البوصه ، ولانها نقطه ضعف ممكن الخيط يقطع أو ينسلت ، ولو معاك سمكه هتزعل عليها ، دا غير انك مع السمك الكبير بيكون فرصه كسر اللبلوب او قطع الخيط كبيره .....
طب نعمل اى..... شوف يا ريس
احنا الاول نجيب فتله من الخيط القطن ، علشان تبقي حنينه علي الشعر ، وكمان تبقي حنينه على اللبلوب ، وبنربطها علي اللبلوب ، بنبدأ باللف على شكل حلقات ، فوق بعض ، زي الخيط الأحمر الموجود فى الصوره دى
وبعدين نربط بخيه هتلاقى الخيط بقي على اللبلوب شبه الصبرصه بتاعت الحلقات وبكده هيتوزع العزم علي مساحه اكبر من عقلة اللبلوب والخيط ان شاء الله مش هيفلت
بعض الناس بتضيف بعض الامير على الخيط القطن و دا أنا شايف انه غلط لأن كل مره هتعمل خيط جديد هيسيب بقايا خيط على الخيط القطن ف ممكن تضطر تقطعه
بعدها احنا بنربط الشعر بتاعنا على عقله البلوب مش على طرفه فوق الخيط القطن ونربطها بخيه مشنقه اللى هيه كل ما بتشدها بتمسك اكتر وبعدها بنلف الشعر حلزوني لحد ما نوصل لطرف اللبلوب ونعقد
كده ان شاء الله لو قدر ربنا وانكسر اللبلوب مش حيضيع هوه والقرمه وكمان حيكون الحمل موزع علي البوصه وكذلك لو القرمه اتنقطعت من تحت وحبيت تطول مش حتحتاج تعمل عقده او تغير القايم كله
طبعا لو غاوي صيد زيي لازم تزور صفحة تعلم صيد السمك واذا بتتعب من صيد التسقيط يبقي اكيد محتاج تعرف علاج دوار البحر
اتمنى للجميع الافادة وعشان تستفيد اكتر ادخل على
تابع معنا أيضا للمزيد من الخبره و المعلومات
![Mr.Abdalla Omar]()
About Mr.Abdalla Omar -
نسعي من خلال هذه المدونه أن تصبح مصدرًا موثوقًا للمعلومات والموارد التعليمية حول صيد السمك، ونساعد المبتدئين والهواة وحتى الصيادين المحترفين على تحسين مهاراتهم والاستمتاع بتجربة الصيد.
