نصائح هامه لهواة صيد السمك

 نصائح هامه لهواة صيد السمك

شط بحر إسكندريه

بوصه يد

جميعنا بدا الصيد من علي الشاطيء بالبوصة اليد وانا شخصيا أعشقه وهناك بعض النصائح الهامه التي يجب ان يعرفها كل صياد ويتعلمها بالتكرار و التجربه  أنقل اهمها هنا لكم لتعم الاستفاده :

1- غسيل البوصة من الرمل بعد الانتهاء من الصيد ولو بماء البحر وقبل ان تصطاد لو متخزنة وعليها تراب لان الرمل عدو الفيبر.

2- عدم الصيد ببوصه مركونة وبدون ان تفحصها جيدا حتنكسر مع اول رمية .

3- لاتستعمل سلاح صيد من قرمة قديمة بدون ان تفحصه جيدا حيث ان عمر السن هو صيده واحده ا اثنين علي الاكثر ارميه احسن حيتلم ويوقع منك السمك او يقطم مع سمكه كبيره تزعلك اهم شعر هوه شعر الترميل اهتم بنوعيته وجودته.

4- المدور المصدي حيقطع الشعر من عند العقده مع شده السمكه ف طبعا محتاج دايما تراجع عدة الصيد قبل الذهاب للصيد. 

5- اوزن الفلة او الغماز جيدا بالرصاصه لان ميزات حساسيه الفله تفرق في الحصيله .

6- لازم تكون جاهز لكل المقاسات المتوقعه للسمك وده طبعا بيكون بإنك يكون معاك اكتر من حجم من سنون و شليط. 

7- مهم جدا تركز مع وضع لون الفلة مع لون وشفافيه المياه يعني الابيض فوق ولا تحت حسب عينك ورؤيتك للفله وكمان حسب لون المياه.

8- طول الشعر بالقرمه يكون مناسب للبوصه مش اطول ( الا في حالات معينه ) ومش اقصر .

9- إوعى تربط الشعر علي حرف اللبلوب ابدا اربطه بعقدة مشنقة بعد الحرف بحوالى عقلة اصبع من فوق وبعدين خيط الصيد ده لفه علي اللبلوب عدد من اللغات وبعدها اربط عليه فتلة خيط قطن  وده طبعا علشان توزيع العزم والمحافظه علي اللبلوب وكمان لو حبيت تطول الشعر متعملش عقده عليه.

10- تعرف على الطريقه الاحسن لوضع الطعم ودى بتيجي مع الخبره وحسب السمكه إللى يترمى عليها و كمان حاله البحر و كمان نوع الطعم نفسه

11- دائما لا تأخذ نوع واحد فقط من الطعم يفضل اثنين على الأقل عشان انت مش عارف هيدخل عليك نوع سمك ايه ، ودايما خد معاك عجين مش هيخسرك حاجه و ف أوقات كتير هيظبط معاك ف السمك البورى 

عشان تستفيد اكتر ادخل على 

مدونة تعلم صيد السمك للمبتدئين

تابع معنا أيضا للمزيد من الخبره و المعلومات 

أفضل طعم صناعي لصيد السمك

 

الفرق بين سمك البوري و سمك الطوبار 

 

كيف تصطاد الكابوريا

 

صيد الكاليمارى والسوبيط

 

طبعا لو غاوي صيد زيي لازم تزور صفحة تعلم صيد السمك

 
واذا بتتعب من صيد التسقيط 

يبقي اكيد محتاج تعرف علاج دوار البحر

 
اما لو لسه هتبدأ تتعلم ف شوف كيف تختار البوصه المناسبه ؟

وطبعا تتعلم شويه من موضوع صيد السمك بالسناره للمبتدئين