طرق صيد السمك
سنتطرق هنا لطرق الصيد الموجوده بمصر عموما و قد أركز بعض الاوقات على الصيد فى المدينه التى أعشقها وهى الإسكندريه لكن لن تكون هناك اختلافات جوهريه فيما يتعلق بأساسيات عملية الصيد فى كثير من المحافظات الساحليه وطرق الصيد وكلها هى كالتالى :أولا : مصطلحات أساسية عند صيد السمك
الترميل : وهو الساق أو الجوز أوالشعر المربوط فيه السنار تحت الرصاص .
الأرمه : وهى الترميل أو الساق أوالشعر المربوط فيه السنار تحت الرصاص .
الشعر : هو بكرات نايلون الصيد وهو مقاسات حسب السمك .
السبحة : وهى عدة سنانير مربوطين بنايلون صيد ( الشعر ) متتبابعين بشكل يمنع تشابكهم .
الفل : وهو الغماز و أنت بتحط الفله حسب راحة عينيك .
الرصاصة وزنها :أى وزن الرصاص حسب حجم الفلة بجيث تظل الفلة عائمة ماتغرقش.
بوصه 6 أو 7 أو أى رقم : يعنى بالمتر بوصه 6 متر أو 7 متر.......وهكذا .
وعر : أى السنارة شبكت فى الصخر اللى تحت الماء أو أى عائق .
برغوت : وهو الجمبرى الصغير الشفاف أو الأبيض وهو مشهور جدا فى الصيد .
عقر : وهو جمبرى حوالى 3 أو 4 سم و لونه محمر وممكن تمليحه .
ساعات ثم يلف بورق جرائد بدون قطع رأسه ويوضع بالفريزر لحين الصيد .
إسمعلاوى و قراص و نارى و مشرشر وطعم ( دود طين أرضى ) ودود رمل : هذه كلها أنواع ديدان طعم صيد للأسماك تباع عند بائعين أدوات الصيد .
فلة شمندوره : وهو بالصوره بأسفل و تستخدم للرمى بمكن للسمك العائم
وبها أنواع بدخلها رصاص للرمى بالمكن .
التشويح : وهو الرمى بالمكن لداخل البحر .
لم البوش : وهو عندم ترمى بالمكن تلم الشعر الزياده على المكن .
الفلة تخنق : يعنى تنزل للأسفل ببطء .
الفلة تسحب : أى تجرى للداخل وهى على وش الميه .
الفلة غرقانه : يعنى الرصاص تقيل وعوز يتخف شوية .
الفلة ترمش : يعنى تترعش وهى فى مكانها وده للبورى فقط .
فلة صينى : نوع من الفل شبه القرطاس وهيه صينى الصنع .
الشعر يصفر : سمكة قوية تشد النايلون الشعر يصدر صون كالزن و الصفير .
شلحت السمكه : يعنى خلعت و مشت .
صرخة السمكه : الصرخه يعنى بتنزل للأسفل بقوة فجأة .
بيشفف : يعنى بياكل السمك بحرف شفته والسناره مابتلحقش تعلقه .
بيلحس : وده فى البورى و البطاطا ساعات تلحس العجينة و ماتاكلش .
عجينة سايحة : يعنى عجين دقيق طرى جدا بيتلف على الصوبع .
عجينة ناشفه : يعنى ممكن تتلف على السناره بالصوابع بدون ماتلزق .
عجين عيش : وهو العيش البلدى بتاع البطاقة بيتبل و يتعجن .
عجينة زفره : هى عجين عادى يضاف اليه زيت سردين أو تونه .
النسيله : فى البحر هي خضرة موجودة على الصخور وهى طويلة و ناعمة و في المياه العذبة خضرة ناعمة جدا طويله تتباع عند بائعى الصيد .
الحجنة : وهى أوراق البوص اللى على الترع الورقة الطرية و يصاد بها .
دود السبلة : وهو نوع من الدود الأبيض الصغير يستخدم كطعم صيد الأسماك
الريم : خضرة ناعمة طويله يصاد بها البلطى .
البحر منفوخ : يعنى منسوب المياة عالى لهيجان البحر .
البحر ملتم : أى به نوة والبحر عالى .
مشخشخ : يعنى الريح متوسط والماء مموج من أثر الريح .
البحر حصيرة أو زيت أو مراية : يعنى مافيش هوا خالص والبحر صافى و رايق ، و ليس به أمواج ومنسوب الماء منخفض وغالبا الريح جنوبى .
البحر كاشف : يعنى قعر البحر باين و ممكن تشوف السمك من صفاء الميه ومافيش ريح.
الجو نو : يعنى فيه نوة والبحر عالى جدا .
بتنقر : يعنى السمكة بتنقر السناره مابتبلعش .
المدور : بالرسم بأسفل مهمته سهولة تعليق الارمة و عدم لفها على بعضها .
السنار : يقصد به السلاح وهو السن معروف طبعا .
أنواع السنار : يقصد التفرقه بين الأنواع ( كفته ، كرش ، ملوى ، لطش ، شلاط )
تقويس : وهو إنحناء البوصه مع شد السمكه المصاده
تشليط أو تشميط : وهو وضع السنار أو الشلاط بدون طعم على الأرض ونتشه لأعلى ، عسى أن تعلق به سمكة عايمه.......وهذا يستخدم فى الترع فقط.........ولا أحبذه .
زفر : وهو أنواع حسب السمكة المرغوبة ممكن عيش مبلول أو الطعم اللى بتصطاد بيه .
 |
| شط إسكندريه |
ثانيا : طرق صيد الأسماك وهي كالتالي :
صيد الشنشولة : هو عبارة عن قفص من الخوص على شكل دائري يتم ربط فيه أكتر من 500 سن ويطعم بالطعم المناسب للمكان ويتم وضعة في القاع لمدة 24 ساعة ويسحب في اليوم التالي ، وهو خاص بالمحترفين والمتاجرين بالأسماك .
صيد الجر : هو الصيد بالشباك الكبيره عن طريق مسح أماكن الصيد المعروفة ( خاص للمحترفين ).
صيد التجرية : هو الصيد بالمعلقة ( القطعة المعدنية وبها السن ) والرابله ( الخداعة ) عن طريق التجرية .
الصيد في الأصر أو في الوعر: هو الصيد في المناطق القريبة من الشاطئ ، أو المناطق التي يكثبر بها لصخور ويكون دائما بالبوصه.
الصيد في الوسع أو الغرق : وهو الصيد في الأماكن البعيدة ذات الأعماق الكبيرة, مثل صيد الغوزيلة والدنيس في مواسم ظهوره .
صيد الجر : هو الصيد بالشباك الكبيره عن طريق مسح أماكن الصيد المعروفة ( خاص للمحترفين ).
صيد التجرية : هو الصيد بالمعلقة ( القطعة المعدنية وبها السن ) والرابله ( الخداعة ) عن طريق التجرية
الصيد في الوسع أو الغرق : وهو الصيد في الأماكن البعيدة ذات الأعماق الكبيرة, مثل صيد الغوزيلة والدنيس في مواسم ظهوره .
نصائح إضافية عند صيد الأسماك :
١. البحث عن معلومات عن نوع السمك المستهدف: معرفة سلوكه و أماكن تواجده يزيد من فرص الصيد .
٢. استخدام معدات الصيد المناسبة : يجب التأكد من أن معدات الصيد في حالة جيدة وتناسب نوع السمك المستهدف .
٣. الحرص على سلامة الصيد: اتباع قواعد السلامة عند الصيد ضروري لحماية الصياد والآخرين.
٤. احترام البيئة: ترك المكان نظيفًا وعدم الإضرار بالحياة البحرية.
عشان تستفيد اكتر ادخل على
مدونة تعلم صيد السمك للمبتدئين
تابع معنا أيضا للمزيد من الخبره و المعلومات
طبعا لو غاوي صيد زيي لازم تزور صفحة تعلم صيد السمك
واذا بتتعب من صيد التسقيط يبقي اكيد محتاج تعرف علاج دوار البحر
اما لو لسه هتبدأ تتعلم ف شوف كيف تختار البوصه المناسبه ؟
وطبعا تتعلم شويه من موضوع صيد السمك بالسناره للمبتدئين
