صيد السمك بالجوافه

الصيد بالفاكهه والصيد بالجوافه على الاخص يحتاج الى الصبر
والصيد بالجوافه له طريقة تحضير مثله فى ذلك مثل صيد الغله و الصيد بالعنب والصيد بالبلح والصيد بالتوت

تحضير الزفر

صيد السمك بالجوافه

اربع او خمس ارغفه من العيش البلدى نصف تسويه ويترك لمدة بعض الأيام ليجف تماما ثم نبدأ بفركه الى حبيبات صغيرة
ثم يضاف اليه قلب الجوافه بعصير الجوافه بالسكر او من غير السكر ويراعى الا يعجن ويظللوا حبيبات
ملحوظه : يتم تجهيز هذا الخليط قبل الصيد بساعات وليس على الماء
ويكون التزفير فى المكان الذى سيرسى فيه السن من خلال بدر حبيبات الخبز فى الربع الاول فى الترعة بمسافة لا تقل عن متر ونص على الاقل

إضافة تسمية توضيحية

الأدوات :

لا يقل عن ثلاث أو أربع بوصات
خيط الماكينة 40 أو 45 أو 50 أما الترميل يكون أقل 5 أو 10 فمثلا لو الخيط الأساسي 50 فعليك بشعر 40 للترميل
أما السنار يفضل ان يكون 4 او 3 ملوى غليظ وياريت فرنساوي
أما الوزن الرصاص لا يقل عن 150 جرام
يضاف ايضا اجراس مشبك تعلق على اللبلوب

طريقة الصيد

تقطع الجوافه الى مستطيلات كما الاصبع ويفضل ان تكون الجوافه قوية وناشفه
تدكك الجوافه فى الخيط عبر السن ويراعى ان يترك مسافة 1 سم فى نهاية ومؤخرة مستطيل الجوافه
احذف بالبوصه مع مراعاة إتجاه الريح لمسافه من 25 متر الى 30 متر فى اتجاه موازى لمكان التزفير وبالتدريج اسحب ليرسى الخيط بالسن الى منطقة التزفير بواسطة تيار الميه وعلى بركة الله
الاسماك التى تأكل على الجوافه كطعم هى ( المبروكة - قشر البياض - القرموط - البلطي - البني )
وعموما فإن الصيد بواسطه الفواكه لا يصلح إلا فى المياه العذبة

أخيرا لازم يكون معاك ملقاف و يفضل متكونش بتصطاد لوحدك عشان تعرف تطلع بالسمكه وتبقي فى المضمون

تعليقات

المشاركات الشائعة من هذه المدونة

اسماء السمك وانواع الاسماك باللغة الانجليزيه

اسماء السمك وانواع الاسماك باللغة الانجليزيه اسماء السمك وانواع الاسماك باللغة الانجليزيه ..........سؤال يطرح نفسه اسم السمكه دي اى بالانجليزى ؟ مشكله بتقابل كل مغترب فكر يشتري سمك و مش عارف يطلبه .... ويا سلام لو عنده استعداد زيي انه ياكل سمك فطار و غداء و عشاء كنت الاول بروح سوق السمك او الماركت و اقوله عاوز من ده ؟ وهنا كان كتير من البياعين بيركز معايا وبيعلى السعر عليا مع الوقت بقي عرفت الاسامي وكان لازم أفيد كل الناس بيها دا غير بقي الأنواع إللى مش موجوده ف اسكندريه اساسا و مكنش الواحد يسمع بيها و كمان أسماك البحر الأحمر و أسماك الخليج العربي البطاطا Dusky spine foot المرجان Bream السردين Sardine البلاميطه Bonito البلطى Tilapia انشوجة Anchovy سمك البورى mullet المرمار Marmora القرموط catfish الحريت و البغبغان Parrotfish القاروص sea bass الباراكودا Barracuda المياس Blue Fish استاكوزا Lobster الكالاماري و السبيط Calamari بلح البحر Mussels الكابوريا Crabs سمك موسى Sole Fish جمبرى Shrimp اخطبوط Octopus سالامون Salmon جاندوفلي Clams

قراءة المزيد

دعاء الصيد في البحر

دعاء الصيد في البحر هو انا ينفع أخد ثواب و أجر وانا بمارس هوايتى المفضله و بصطاد ؟ أكيد طبعا هو إنت عندك شك دعاء الصيد فى البحر انا هقولك .... بص يا سيدي وصلى على حبيبك النبي يقول تعالى فى كتابه الكريم ( قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ ) صدق الله العظيم عليك أخى الحبيب أن تعرف كيف تحصل على الاجر و الثواب من الله بخطواط بسيطه تتخذها عندما تمارس هواية الصيد وهى : الصلاة في البحر أولا عليك بتجديد نيتك وجعلها خالصة لوجه الله ثانيا أثناء توجهك لمكان الصيد " بسم الله خرجنا وعلى الله ربنا توكلنا " ثالثا عند ركوبك سياره او مركب أو بلانص أو يخت او سفينه " سبحان الذي سخر لنا هذا وما كنا له مقرنين وإنا إلى ربنا لمنقلبون، الحمد لله الحمد لله الحمد لله، والله أكبر والله أكبر والله أكبر، سبحانك إني ظلمت نفسي فاغفر لي فإنه لا يغفر الذنوب إلا أنت " رابعا عند وصولك لجزيره "أعوذ بكلمات الله التامات من شر ما خلق " خامسا قبل بداية الصيد بسم الله مجريها وم

قراءة المزيد

صيد كاليماري و سوبيط و ما الفرق بين السبيط والكاليماري

ايه الفرق بين الكاليماري وبين السوبيط ؟ كلمة كاليماري هي الكلمة الايطالية للحبار وبالانجليزية squid بنوعيه العريض (اللي بنقول عليه سبيط) والطويل (اللي بنقول عليه كاليماري) يعني مافيش حاجة اسمها سمك كاليماري وحاجة اسمها سمك سبيط ... الفكره انهم الاتنين ممكن يتقال عليهم كاليماري أو سبيط لأنهم فصيل واحده اسمه الحبار البسيط الفرق بين الكاليماري وبين السوبيط أما عن التقسيم الدارج فى مصر والفرق بين الكليماري و السبيط فنوضحه كالتالى السبيط هو صاحب شكل عريض المنكبين وفى الانجليزيه هو grin emoticon وعظمته عريضة وسميكه ولحمه سميك الكليماري شكل الكاليماري مبروم بجسم مخروطي وعظمته خفيفة ورفيعة شفافة ولحمه رفيع . سمكة الكليمارى او السبيط من الرخويات البحرية التى تتمتع بقوة غير عادية فى الشد أثناء صيدها حتى ولو كانت صغيرة الحجم بالرغم من سهولة وصعوبة صيدها. كاليماري سبيط موسم صيد السبيط والكاليماري موسم الصيد لها يبدأ من شهر 8 وحتى اخر شهر 3 وأفضل وقت ل صيد الكاليماري و صيد السبيط بيكون ف الايام من 7-22 من الشهر العربي وبعد المغربية وقبل الفجر و فى موسم التزاوج من

قراءة المزيد

تعلم صيد السمك

بحث هذه المدونة الإلكترونية