سمك القاروص
سمك القاروص (Sea Bass) من أشهر الأسماك في البحر المتوسط والمياه المالحة ، ويتميز بلحمه الأبيض الطري وقيمته الغذائية العالية.
إذا كنت تبحث عن أفضل طريقة لصيد القاروص من الشاطئ أو باستخدام الماكينة، فستجد هنا دليلًا شاملًا عن الأدوات المطلوبة، أنواع الطعم الفعالة (مثل الجمبري والدود البحري)، وأبرز النصائح لضمان رحلة صيد ناجحة
 |
| سمك القاروص |
سمك القاروص من احلى وأطعم الأسماك .
والقاروص ممكن تصطاده زى اى نوع سمك إما الصيد بالبوصه اليدوي او الصيد بالماكينه
لو حنستخدم البوصه :
عند صيد سمك القاروص من الشاطئ نستخدم عود صيد تكون مش اقل من 7 متر .وطبعا لأن سمك القاروص بيطلع منه أوزان ف أقل شعر أساسي بيكون 35 عشان يستحمل يشيل السمكه ، أما القرمه بتكون بشعر صيد 25 او 30 الفروع 1.25 سم و 1.00 سم أما السنار (السلاح) مش اقل من مقاس 5
2- بالفله و بتبقى الفله كبيره و الرصاص متوازن مع حجم الفله و القرمه والسنار نفس المستخدمين فى ارمة البوصه
3- لو فى ميه ضحله يبقى الرصاصه متوسطة و حره و القرمه زى قرمة البوصه .
 |
| سمك القاروص |
أما لو حنستخدم الماكينه وهنرمى على سمك القاروص فى عدة طرق وهي:
1- التجريه بالمعلقه او الريشه ( المخيله )2- بالفله و بتبقى الفله كبيره و الرصاص متوازن مع حجم الفله و القرمه والسنار نفس المستخدمين فى ارمة البوصه
3- لو فى ميه ضحله يبقى الرصاصه متوسطة و حره و القرمه زى قرمة البوصه .
الطعم المفضل لسمك القاروص
١- الجمبري ( نطاط – عقر – بلانص – شطنارة )
بتشيل الشوكه اللى على راس الجمبري عشان سمك القاروص بيخاف منها وتتشبك الجمبري من تحت الرأس أو من الديل .
٢- الدود ( قراص – قراص صخر – حنش الطين – دود بحر – دود اسمعلاوي ).
٣- الجرايات(جرايات خضراء – تكنيات) .
٤- البساريا الحية وتتشك من ديلها .
ولان كل دى أطعم يحبها سمك القاروص لازم تعرف إن أفضل طعم لصيد سمك القاروص هو المتاح حوله في بيئته الطبيعية ، فهو معتاده ويأكله بتلقائية شديدة ، وبدون حرص .
نصائح عامة في صيد سمك القاروص :
١. تأكد من أن الصنارة كبيرة بما يكفي لتحمل متوسط أوزان سمك القاروص المتاح في منطقة صيد السمك .
٢. استخدم خيط صيد قوي كفاية بما يكفي لتحمل وزن سمكة القاروص .
٣. تأكد من أن الطعم المستخدم طازجًا ، والأفضل هو الطعم الحي .
٤. أفضل وقت لصيد أسماك القاروص هو في فصل الشتاء ، عندما تكون الأسماك أكثر نشاطًا .
٥. تتواجد أسماك القاروص عادةً في المياه العميقة ، قرب الشعاب المرجانية والصخور .
أسرار وتكتيكات تضمن لك "الضربة"
عشان تطلع بقاروصة محترمة، لازم تفهم دماغ السمكة دي وتعرف بتفكر إزاي:
البحر المقلوب هو وقتك:
القاروص بيعشق المية اللي فيها حركة وأمواج بتعمل "رغوة بيضاء" (الثبر). الرغوة دي بتهيّج السردين والبساريا، وفي نفس الوقت بتداري خيط الصيد والصياد عن عين القاروص، فبيضرب على الطعم بأمان.
سحر الفجرية والغسق:
أفضل أوقات الصيد هي الساعات الأولى من الفجر، أو وقت المغربية، وكمان في الليالي القمرية مع حركة المد (لما المية تكون بتملى).
الهدوء التام على الشاطئ:
القاروص سمكة حساسة جداً لأي صوت أو حركة. بلاش كلام بصوت عالي، وبلاش تنور كشافك مباشرة على المية، لأن ده كفيل يطرد السرب كله.
أماكن التجمع الحقيقية:
سيبك من المية الغريقة .. القاروص بتلاقيه عند المصبات وبواغيز البحيرات (حيث المية الشروب والمرعى الكتير)، وحوالين حواجز الأمواج، وداخل الموانئ تحت الإضاءة الليلية.
سايس السمكة (التعبيل):
سمك القاروص لما بيضرب بيبقى عفي وبيجري بسرعة وممكن يقطع الخيط في الصخر. لازم الـ Drag (فرامل الماكينة) تكون مظبوطة وسلسة، تسيّب للسمكة لما تشد، وتلم لما تريح، لحد ما تتعب وتطلعها باللقافة (المنشلة).
في النهاية.. من البحر للمطبخ!
بعد ما توفق في الصيد، القاروص مش محتاج افتكاسات كتير في الطبخ عشان تستطعم بحلاوته؛ أحلى طريقة ليه هي "الزيت والليمون في الفرن" أو تعملها "سنجاري إسكندراني" محترم بالخضار والخلطة.
طالع رحلة صيد قريب؟ شاركنا في التعليقات إيه أكتر طريقة وطعم بيظبطوا معاك في صيد القاروص! وبألف هنا وصيد موفق للجميع.
اتمنى للجميع الافادة وعشان تستفيد اكتر ادخل على
https://al-sayad.blogspot.com
تابع معنا أيضا للمزيد من الخبره و المعلومات
