صيد السمك من جزيرة جريشه

جزيره جريشه

جزيرة جريشه

جزيره جريشه الكبيره طبعا وهي من امتع الاماكن للصيد والترفيه بالإسكندريه لعشاق الصيد وكانت قبل ثوره 25 يناير بها قصرين للرئاسه وكانت ممنوع الاقتراب منها لاكن بعد الثوره اصبحت متاحه للصيد والفسحه

نتكلم عن الصيد الى يهمنا الان

اولا : بتحضر العده الخاصه بيك بوصه يد وماكنه وطبعا الطعم برغوت ولو معاك عقر مملح ياريت والبوصه اليد اقل حاجه 6 متر
بنصطاد بالبوصه اليد على البطاطا والحلاليف والموزه والشراغيش
وبالنسبه للمكنه بنعمل شمندوره وجوز واسع وبنصطاد على العايم على سمك الزنجاريا والسكامتشا والغلانفيش وطبعا صيد العايم دا ممتع

جزيرة جريشه

ثانيا : طريقه الذهاب الى الجزيره
انت بتاخد مركب من ابوقير او ميامى وبتكونو مجموعه علشان المراكبى يقدر يطلع بيكو والفرد بيكون ب 30 جنيه للفرد بس أكيد حاليا زاد شويه
وعلى فكره مش هيعرف قيمه المكان وروعته الا الى راح هناك وجرب فيه
لو طلعتم من ابو قير بتتفق مع اى صاحب مركب ولازم تكونو مجموعه علشان يطلع بيكو علشان مشوارها من ابو قير بعيد شويه حوالى ساعه الا ربع من ابو قير لجزيره جريشه
لو طالعين من ميامى طبعا بتكون أقرب جدا عن ابو قير وعلى فكره المكان دا فيه سمك كويس بسبب انه موش متداس كتير وكمان لسه مفتوح للصيد قريب جدا
الجزيره ممتعه جدا للصيد وكمان الرحلات العائليه طبعا لو حابب تاخد افراد عائلتك معاك
وانا تحت امركم فى اى استفسار بخصوص الموضوع دا
والى لقاء اخر فى مكان تانى ان شاء الله

إستمتع

طبعا لو غاوي صيد زيي لازم تزور صفحة تعلم صيد السمك واذا بتتعب من صيد التسقيط يبقي اكيد محتاج تعرف علاج دوار البحر

اتمنى للجميع الافادة وعشان تستفيد اكتر ادخل على

https://al-sayad.blogspot.com

تابع معنا أيضا للمزيد من الخبره و المعلومات

طريقة صيد السمك بالعنب

تحضير دود السبله لإستخدامه فى الصيد

طريقة صيد السمك بالبلح

صيد البوري بالربع (المشنقة)

تعليقات

المشاركات الشائعة من هذه المدونة

اسماء السمك وانواع الاسماك باللغة الانجليزيه

اسماء السمك وانواع الاسماك باللغة الانجليزيه اسماء السمك وانواع الاسماك باللغة الانجليزيه ..........سؤال يطرح نفسه اسم السمكه دي اى بالانجليزى ؟ مشكله بتقابل كل مغترب فكر يشتري سمك و مش عارف يطلبه .... ويا سلام لو عنده استعداد زيي انه ياكل سمك فطار و غداء و عشاء كنت الاول بروح سوق السمك او الماركت و اقوله عاوز من ده ؟ وهنا كان كتير من البياعين بيركز معايا وبيعلى السعر عليا مع الوقت بقي عرفت الاسامي وكان لازم أفيد كل الناس بيها دا غير بقي الأنواع إللى مش موجوده ف اسكندريه اساسا و مكنش الواحد يسمع بيها و كمان أسماك البحر الأحمر و أسماك الخليج العربي البطاطا Dusky spine foot المرجان Bream السردين Sardine البلاميطه Bonito البلطى Tilapia انشوجة Anchovy سمك البورى mullet المرمار Marmora القرموط catfish الحريت و البغبغان Parrotfish القاروص sea bass الباراكودا Barracuda المياس Blue Fish استاكوزا Lobster الكالاماري و السبيط Calamari بلح البحر Mussels الكابوريا Crabs سمك موسى Sole Fish جمبرى Shrimp اخطبوط Octopus سالامون Salmon جاندوفلي Clams

قراءة المزيد

دعاء الصيد في البحر

دعاء الصيد في البحر هو انا ينفع أخد ثواب و أجر وانا بمارس هوايتى المفضله و بصطاد ؟ أكيد طبعا هو إنت عندك شك دعاء الصيد فى البحر انا هقولك .... بص يا سيدي وصلى على حبيبك النبي يقول تعالى فى كتابه الكريم ( قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ ) صدق الله العظيم عليك أخى الحبيب أن تعرف كيف تحصل على الاجر و الثواب من الله بخطواط بسيطه تتخذها عندما تمارس هواية الصيد وهى : الصلاة في البحر أولا عليك بتجديد نيتك وجعلها خالصة لوجه الله ثانيا أثناء توجهك لمكان الصيد " بسم الله خرجنا وعلى الله ربنا توكلنا " ثالثا عند ركوبك سياره او مركب أو بلانص أو يخت او سفينه " سبحان الذي سخر لنا هذا وما كنا له مقرنين وإنا إلى ربنا لمنقلبون، الحمد لله الحمد لله الحمد لله، والله أكبر والله أكبر والله أكبر، سبحانك إني ظلمت نفسي فاغفر لي فإنه لا يغفر الذنوب إلا أنت " رابعا عند وصولك لجزيره "أعوذ بكلمات الله التامات من شر ما خلق " خامسا قبل بداية الصيد بسم الله مجريها وم

قراءة المزيد

صيد كاليماري و سوبيط و ما الفرق بين السبيط والكاليماري

ايه الفرق بين الكاليماري وبين السوبيط ؟ كلمة كاليماري هي الكلمة الايطالية للحبار وبالانجليزية squid بنوعيه العريض (اللي بنقول عليه سبيط) والطويل (اللي بنقول عليه كاليماري) يعني مافيش حاجة اسمها سمك كاليماري وحاجة اسمها سمك سبيط ... الفكره انهم الاتنين ممكن يتقال عليهم كاليماري أو سبيط لأنهم فصيل واحده اسمه الحبار البسيط الفرق بين الكاليماري وبين السوبيط أما عن التقسيم الدارج فى مصر والفرق بين الكليماري و السبيط فنوضحه كالتالى السبيط هو صاحب شكل عريض المنكبين وفى الانجليزيه هو grin emoticon وعظمته عريضة وسميكه ولحمه سميك الكليماري شكل الكاليماري مبروم بجسم مخروطي وعظمته خفيفة ورفيعة شفافة ولحمه رفيع . سمكة الكليمارى او السبيط من الرخويات البحرية التى تتمتع بقوة غير عادية فى الشد أثناء صيدها حتى ولو كانت صغيرة الحجم بالرغم من سهولة وصعوبة صيدها. كاليماري سبيط موسم صيد السبيط والكاليماري موسم الصيد لها يبدأ من شهر 8 وحتى اخر شهر 3 وأفضل وقت ل صيد الكاليماري و صيد السبيط بيكون ف الايام من 7-22 من الشهر العربي وبعد المغربية وقبل الفجر و فى موسم التزاوج من

قراءة المزيد

تعلم صيد السمك

بحث هذه المدونة الإلكترونية