جزيره جريشه
جزيرة جريشه
جزيره جريشه الكبيره طبعا وهي من امتع اماكن صيد الأسماك والترفيه بالإسكندريه لعشاق الصيد وكانت قبل ثوره 25 يناير بها قصرين للرئاسه وكانت ممنوع الاقتراب منها لاكن بعد الثوره اصبحت متاحه للصيد والفسحه
نتكلم عن صيد الاسماك الى يهمنا الان
اولا : بتحضر العده الخاصه بيك بوصه يد وماكنه وطبعا الطعم برغوت ولو معاك عقر مملح ياريت والبوصه اليد اقل حاجه 6 متربنصطاد بالبوصه اليد على البطاطا والحلاليف والموزه والشراغيش
وبالنسبه للمكنه بنعمل شمندوره وجوز واسع وبنصطاد على العايم على سمك الزنجاريا والسكامتشا والغلانفيش وطبعا صيد العايم دا ممتع
 |
| جزيرة جريشه |
انت بتاخد مركب من ابوقير او من ميامى وبتكونو مجموعه علشان المراكبى يقدر يطلع بيكو والفرد بيكون بحوالي ٥٠ جنيه للفرد بس أكيد حاليا زاد شويه
وعلى فكره مش هيعرف قيمه المكان وروعته الا الى راح هناك وجرب فيه
لو طلعتم من ابو قير بتتفق مع اى صاحب مركب ولازم تكونو مجموعه علشان يطلع بيكو علشان مشوارها من ابو قير بعيد شويه حوالى ساعه الا ربع من ابو قير لجزيره جريشه
لو طالعين من ميامى طبعا بتكون أقرب جدا عن ابو قير وعلى فكره المكان دا فيه سمك كويس بسبب انه موش متداس كتير وكمان لسه مفتوح للصيد قريب جدا
الجزيره ممتعه جدا للصيد وكمان الرحلات العائليه طبعا لو حابب تاخد افراد عائلتك معاك
وانا تحت امركم فى اى استفسار بخصوص الموضوع دا
والى لقاء اخر فى مكان تانى ان شاء الله .
إستمتع وطبعا لو غاوي صيد زيي لازم تزور
واذا بتتعب من صيد التسقيط
يبقي اكيد محتاج تعرف علاج دوار البحر
اتمنى للجميع الافادة وعشان تستفيد اكتر ادخل على
https://al-sayad.blogspot.com
تابع معنا أيضا للمزيد من الخبره و المعلومات
طريقة صيد السمك بالعنب
تحضير دود السبله لإستخدامه فى الصيد
طريقة صيد السمك بالبلح
صيد البوري بالربع (المشنقة)
