كيف تتعامل مع السمكه الكبيره بالبوصه اليدوي
لو تصادف وعلقت معاك سمكة كبيرة وده نسبي طبعا اثناء الصيد بالبوصه اليدوي تعمل ايه؟؟؟؟؟
لو السمكه سلمت وعاوز تطلعها وإنت في مكان عالي وممعكش ملقاف حتعمل الاتي حتبرم الشعر علي البوصه حتي تصبح نقطة تعليق الشعر عن العقله الثانيه وهنا ممكن ترفع واللبلوب مش حينكسر وده طبعا لو الشعر كويس .
امسح بعينك المكان تحتك لو فيه مكان ينفع تريح عليه السمكه ومتهربش ماشي مش لازم ترفعها لحد عندك . متحاولش ترفع السمكة من الشعر بايدك ابدا لو السن صغيرامسك السمكه من المكان المناسب وخد بالك أثناء صيد السمك
لو وقارة امسكها من عينيها او من الفم مش من النخشوش.
لو قاروصه من اسفل الرقبة او من الفم وخد بالك الصفائح الخيشوميه زي السكينه .
لو بطاطا من دماغها من الامام ,وحاسب من شوكة الضهر لأن شكتها بتفرز ماده بتسبب الألم للجسم .
الشرغوش الكبير بيفتح شوكة الظهر اول ما تمسكه مش قبل كده ف متريحش ايدك على ضهره وانت بتمسكه أو إمسكه من ناحية البطن
طبعا لو غاوي صيد زيي لازم تزور صفحة تعلم صيد السمك واذا بتتعب من صيد التسقيط يبقي اكيد محتاج تعرف علاج دوار البحر
طبعا لو غاوي صيد زيي لازم تزور صفحة تعلم صيد السمك واذا بتتعب من صيد التسقيط يبقي اكيد محتاج تعرف علاج دوار البحر
