ترعه الشيخ زايد ( ترعة العكره )

ترعه الشيخ زايد ( العكره )

ترعه الشيخ زايد ( العكره )

أولا : مكان الترعه

الترعه بطريق الساحل الشمالي ( موازيه للطريق ولكنها علي يسار الطريق وبالداخل ) وانتا في طريقك لمطروح اولها عند مدينه الحمام واخرها عند طريق وادي النطرون ( بورتو مارينا ) الكيلو 101 .

ثانيا : كيفيه وصولك اليها

وحضرتك بتتحرك من الاسكندريه فى إتجاه مطروح هيكون اول دخله ليها من مدينه الحمام
وثاني دخله موجوده في الكيلو 71 أمام قرية (مينا 4) و ثالث داخله من الكيلو 82 أمام ( قريه المنتزه ) أما رابع دخله والأخيره من الكيلو 101 أمام قرية ( مارينا 4 )  ودا طريق وادي النطرون .
جميع الدخلات بتكون شمال الطريق عكس البحر فحضرتك من بعد القري بتاخد أول ملف يرجعك للطريق فى الجهه الأخري وعدها بتدخل الدخله لحد لما هتلاقي ترعه العكره قدامك.

ثالثا : متطلبات الصيد فيها : 

1/ بوصه يد 4 متر .             2/ جردل صغير او زجاجه مياه معدنيه 6 لتر ( علشان هيتحط فيه الصرصار ) .
3/ بكرتين شعر (12 للترميل و 15 او 18 للشعر الرئيسي) .                         4/ فلل صغيره جدا (حمصه ) .
5/ باكو مدور صغير ( لوزن الفله لانه لايوجد رصاص نهائيا ) .
6/ سنون 8 كفته ( وممكن تجيب تشكيله سنون زي 8 بكرش او 8 لطش ) .
7/ قطعه قماش علشان تسمح ايديك ومتنساش الطاقيه البيضاء الكبيرة .

رابعا : الطعم

يوجد العديد من الطعوم مثل الخضرا وبيجبوها من ميه العكره من المواسير الموصله للمياه او بتجهز معاك مصارين فراخ ( للقراميط ) .
وافضل الطعوم هناك الصرصار سعر الصرصار متفوات (يوجد بعض التجار بتبيعه بالكيلو والكيلو ب 20 جنيه او بصفيحه السمنه ال 1 كيلو ب 10 جنيه)
نصائح جوهريه ( فنيات )
1- ضروري جدا جدا تجهز الطعم ( الصرصار) قبل اي شي.
2- فيه في الترعه سمك كبير وحضرتك بتصطاد بشعر ضعيف فواجب عليك تسايس السمكه قدر المستطاع .
3- طريقه التزفير ان حضرتك بتجيب كبشه صراصار صغيرة وبتفركهم وبتكرر الحركه دي كل 3 او 4 رميات وطبعا حضرتك بتطعم صرصار واحد في السن .
4- علي قد متقدر البس لبس فاتح لان الشمس هناك جامده ومفيش شجر .
5- متنساش تجيب معاك جردل الصرصار وطاقيه كبيره ولو تقدر تجيب شلته اسفنج معاك ( علشان الارض خرسانه فالشلته بتكون كويسه ) او كرسي .
6-  الصبر واتباع التعليمات ضروري جدا جدا من اجل الاستمتاع باليوم وقضاء وقت طيب

طبعا لو غاوي صيد زيي لازم تزور صفحة تعلم صيد السمك واذا بتتعب من صيد التسقيط يبقي اكيد محتاج تعرف علاج دوار البحر

اتمنى للجميع الافادة وعشان تستفيد اكتر ادخل على 

https://al-sayad.blogspot.com

تابع معنا أيضا للمزيد من الخبره و المعلومات 

صيد سمك الدراك 

حساب مواعيد المد و الجزر

 

صيد سمك البوري

 

افضل اوقات صيد السمك

 

اشهر أماكن ادوات الصيد بالاسكندريه