أنواع بوصه صيد السمك

بوصة صيد الأسماك ( Fishing rod ) :

قبل م اقولك كيف تختار بوصة الصيد ؟

أو إزاى تشترى واحده جديده ؟

لازم الاول تعرف أنواعها اومال يا سيدي هتختار على أساس أيه ؟

..... صح ولا انته موش معايا

هل تبحث عن عود صيد سمك قوي و خفيف ؟ أم تفضل بوصة اقتصاديًة ؟

بص يا سيدي أنواع بوصة الصيد :

عود صيد السمك منها الطبيعي كالبوص الهندى أو البلدي أو مصنعه من الالياف أو يخلط معها عدد من المواد المصنعه حديثا مثل الجرافيت أو البورون أو الكاربون وأحيانا الحديد :

أعواد الصيد دي زي أدواتنا السحرية اللي بنستخدمها عشان نلقط السمك ، وكل عود له شخصية مختلفة بتعتمد على المادة اللي معمول منها .

خلينا نشرح أولا سوا المواد اللي بتستخدم في صناعة أعواد الصيد بطريقة مبسطة وواضحة :

* الفايبر : مادة صناعية قوية ومتينة، بتتحمل الضغط ودرجات الحرارة المختلفة .

* الكربون : ألياف رفيعة جداً وخفيفة وقوية، بتستخدم في صناعة الطائرات والسيارات كمان .

* الزجاج : بيستخدم في الأعواد الشفافة، بس هو مادة هشة ومش بتتحمل الضغط .

تعالوا نفهم كل نوع من الأعواد دي بالتفصيل:

أولا : أعواد الصيد الفايبر:

دي أقوى أعواد وأكثرها تحمل ، زي البطل اللي بيقعد في الشمس من غير ما يتعب ، بتتحمل الشد والجذب جامد ، وبتناسب الصيادين اللي بيحبوا الصيد في المياه العفيه والأسماك الكبيرة ، بس العيب الوحيد فيها إنها بتكون ثقيلة شوية ( أثقل الأنواع وزنا ) .

ثانيا : أعواد صيد السمك الكاربون :

دي بقي أعواد خفيفة ومرنة شبه سمك القرش ، بتتحرك بسهولة وبسلاسة ، بتحسسنا بأي حركة للسمكة، وبتخلينا نستمتع بالصيد أكتر ، بس هي بتكون أغلى شوية من باقي الأنواع .

ثالثا : أعواد نص الكاربون :

دي بقي بتكون خليطة بين الفايبر والكاربون ، بتجمع بين قوة الفايبر ومرونة الكاربون ، بتكون مناسبة للصيادين اللي بيحبوا التوازن بين القوة والسعر.

رابعا : الأعواد الشفافة :

دي أعواد جميلة الشكل ، بس هي مش قوية أوي ، وبتتكسر بسهولة. مش بننصح بيها كتير.

وهناك 3 عناصر أساسيه لابد من وجودها فى أى بوصه ( الكعب – جسم البوصه – اللبلوب ) ويتحدد نوع وشكل بوصة الصيد الي عدة أنواع بحسب طريقة الصيد وطبيعة المياه التي سوف تصطاد فيها ويمكن ان نجمل هذه الانواع فيما يلي :

اولا : البوصه التليسكوبي :

البوصه المصنوعه من الكربون هى أفضل البوص هنا بسبب مرونتها العاليه وكونها حساسه جدا ويمكن الرمي بها لمسافات طويله لذلك تستخدم من الشاطىء بأطوال مفضله من 3 أمتار إلى 5 أمتار ويمنحها الكربون ميزة أنها تصبح أقوي و أخف وزنا من غيرها لكن يعيبها أنها الأغلى سعرا حيث انه مع زيادة نسبة الكربون فى البوصه يرتفع سعرها
وتستخدم هذه البوصه عادة في الصيد علي العايم (أي باستخدام فله تمنع وصول الطعم للقاع ) وتتكون من :

1- كعب البوصة :
واضح جدا من إسمه هو الجزء فى أخر البوصه من الاسفل ويشبه الصاموله المسدوده من احد نهاياتها ( بالبلدى طبه ) وهو يصنع من البلاستيك والكاوتشوك تغلق على البوصه من نهايتها وهى منطقة عبارة عن طبة (صامولة زنق) من البلاستيك والكاوتشوك تغلق علي البوصه من اسفل ويمكن حلها فيما بعد لاصلاح اللبلوب او الوصلات التالفة
2- مقبض البوصه :
ويكون فى الثلث الاول من بداية جسم البوصه ويغطي فى الطبيعي بماده من اللدائن الاسفنجيه أو الكاوتشوك لتسهل مسكها و لتعطيك تحكم أكثر
3- قاعدة الماكينه في البوصة :
هو المكان الذي نقوم بتثبيت الماكينة فيه وهو عباره عن جيب ينتهى بصاموله ف يتم فك الصاموله ونضع الماكينه ثم نغلق الصاموله على نهاية العامود الثابت فى الماكينه ونتأكد من عملية الربط جيدا
4- جسم البوصة :
هو عباره عن مجموعه من الأجزاء الطويله و الرفيعه وتكون نهايتها قطرها أقل من بدايتها بحيث أنك عندما تريد فتح البوصه لإستعمالها لا تخرج الأجزاء من بعضها ولكن تتداخل معا
5- اللبلوب :
أكثر جزء معرض للكسر و التلف من البوصه بعد الحلقات لأنه الأكثر إهلاكا وتحميلا عليه وهو الطرف الرفيع بمقدمة البوصه وعادة ما يكون مصمت (واحيانا يكون لبلوب مفرغ )
وتأتي أهميته من دوره فى التحكم بالسمكه وجعل السلاح يمسك السمكه (يلطشها )

و يختلف أشكال اللبلوب حسب إختلاف طريقة الصيد :

1- لبلوب صب ويفضل استخدامه عند صيد الاسماك كبيرة الحجم
2- لبلوب مَرِن ويكون فى الاحجام الاقل مثل سمك البلطى و البوري وفى هذه الحاله يطلق عليه لبلوب رِقٍع
6- الحلقات :
هي حلقات من المعدن دائريه قد تكون مبطنه بمواد أخري مثل السيراميك ليمر الخيط منها بدون أن تتلف ولو أنها مع الاستخدام ستحتاج الى تغييرها وهى تحيط بكل نهايه في كل وصلة من وصلات البوصه وحتى اللبلوب.

ثانيا : البوصه الصب :

بوصة صيد صب مصمطه

وهى البوصه المستخدمه في صيد التسقيط أو الجر وتختلف أطوالها حسب الحاجه والتعود ولكنها دائما اقصر من التليسكوبي وقد لاتتجاوز المترين الا بقليل وأفضل أطوالها تبدأ من 1.8 متر حتى 2.2 مترو تتكون هذه البوصه من جزئين يتم وصلهما في بعضهما البعض اما عن طريق الشحط " الزنق " وهو دخول أحد الاجزاء داخل الاخر بدون ربط او عن طريق صامولة زنق تصل بين الجزئين معا كما يمكن في بعض الاحيان أن تكون قطعة واحدة وهذا هو الافضل في بوصه الجر عادة لانها بتكون اقصر نوعا ما وحجم السمك فيها أكبر ف تبقي تتحمل الثقل اللي ضرب عليها وتتشابه مكوناتها مع التلسكوبيه فيما عدا أنها :
1-الكعب : وهو جزء ثابت بنهاية البوصه من الاسفل وغير قابل للحركه حيث لا توجد أجزاء تحتاج الى ان يكون قابل للحركه
2-جسم البوصه :
وهو الاهم هنا حيث يكون مصمت تماما وليس مفرغا من الداخل ويكون أقل فى سمكه وبالتالى قطره أقل
3-الحلقات :

تحتوى على حلقه واحده او إثنين على الاكثر كما تكون ثابته فى جسم البوصه و فى بعض بوص الجر تكون الحلقات مرفوعه للأعلى كما انها فى البعض الأخر تكون عباره عن بكرات ينزلق عليها الخيط أو عباره عن عجل

طبعا لو غاوي صيد زيي لازم تزور صفحة تعلم صيد السمك واذا بتتعب من صيد التسقيط يبقي اكيد محتاج تعرف علاج دوار البحر