سمكة التيس
 |
| سمكة التيس |
بتتواجد سمكة التيس فى البحر المتوسط طوال العام ، ولكن الاحجام الكبيره تتواجد من بداية شهر 11 الى منتصف شهر 6 ، وبعدها تتواجد التيوس ولكن باحجام اقل حوالى ربع كيلو الى نص كيلو ويطلق عليها ( بعارير ) مفرد ( بعرور ) .
صيد سمك التيوس
يفضل صيد أسماك التيوس ليلا ، وهى سمكة وعر مثلها مثل الشراغيش ، لذلك نصطاد بجوار الوعر والبلوكات .
ونستخدم لصيد سمك التيوس شتاءا بوصة لاتقل عن 7 متر ، وذلك حتى شهر 3 ، اما فى باقى الموسم فيفضل الصيد ببوصة 5 متر .
ونستخدم لصيد سمك التيوس شتاءا بوصة لاتقل عن 7 متر ، وذلك حتى شهر 3 ، اما فى باقى الموسم فيفضل الصيد ببوصة 5 متر .
 |
| سمكة تيس |
أفضل طعم ل سمك التيس
يتحدد الطعم لصيد سمكة التيس حسب درجة حرارة الجو ، فتجد أشهر البرودة الشديدة تختلف عن اشهر الربيع .
فمثلا من اواخر شهر 12 الى شهر 2 عز البرد ، اذا اردت ان تستمتع بصيد الاحجام المحترمة من سمك التيوس ، فعليك بإستخدام ( التكنى ) ، وهو نوع من انواع الكابوريا يشتهر بلونه البنى الداكن وقراصاته الغليظة ، حيث يتم تقطيع قرصات التكنى وارجله وتكسيرهم واستخدامهم كزفر فى الماء .
طريقة صيد سمك التيس :
نستخدم في سمك التيوس بوصة لاتقل عن 7 متر شعر القرمة المستخدم 50 ، يتم لف شعر القرمة ابتداءا من الكعب الى لبلوب البوصة ، وطبعا لازم تكون بوصة نوع محترم علشان ما تتكسرش ،
فلة متوسطة او حسب حالة البحر ، و يمكن تكبير الفلة اذا كانت المياه بها حركة كبيرة ، ونرمي بسنارة -سلاح- واحدة مقاس 2 بكرش ، شعر الترميل 40 لا يقل طول الفرد عن 1.5 او 1.75 سم
، يتم تقطيع التكنى بالمقص الى اجزاء حسب حجمها ، يتم تطعيم قطعة من التكنى على السنارة .
تكون مزفر قبليها برجول وقراصات التكنى ، وتقرص على الفلة ، يعنى ما تخليهاش تمشى مع المية ، وسيب الفلة بالفسفورة تغطس خالص لما ياكل عليك ، وانت بترد على السمكه ترد بعد ما تغطس ردة قوية جدا ، وما تريحش ايدك لو حسيت انه معاك ، يعنى تخطفه من عند الوعر ، وكل ما يشد معاك اوعى تريح ايدك نهائى ، لانك لو ريحت ايدك ، ولبلوب البوصة نزل منك المية ، قول كدة عليه العوض فى التيس ، حيقطع حيقطع لأنه بيدخل وسط الصخور ويتمسك بيها .
تكون مزفر قبليها برجول وقراصات التكنى ، وتقرص على الفلة ، يعنى ما تخليهاش تمشى مع المية ، وسيب الفلة بالفسفورة تغطس خالص لما ياكل عليك ، وانت بترد على السمكه ترد بعد ما تغطس ردة قوية جدا ، وما تريحش ايدك لو حسيت انه معاك ، يعنى تخطفه من عند الوعر ، وكل ما يشد معاك اوعى تريح ايدك نهائى ، لانك لو ريحت ايدك ، ولبلوب البوصة نزل منك المية ، قول كدة عليه العوض فى التيس ، حيقطع حيقطع لأنه بيدخل وسط الصخور ويتمسك بيها .
الطعم الثانى لسمكة التيس هو البرغوت ، ودة استخدامه بيكون طول السنة ، يعنى ممكن تستخدمه فى عز البرد ، بس طبعا الافضل تستخدم التكنى ، لكن ساعات ما بتلقتهوش ، او ما متعرفش تجيبه ، فنضطر لاستخدام البرغوت ، واهم حاجة فى الصيد بالبرغوت الزفر .
 |
| سمكة التيس |
طريقة اعداد الزفر:
حتشترى كيلو برغوت من السوق لانه ارخص بكتير من شرائه من محلات الصيد ، بس دور على البرغوتة الصابحة الطازة .
حتروح البيت حتفضى كيلو البرغوت فى اى حاجة ، وتبداء عملية فرزه ، بمعنى انك حتطلع البرغوتة الكبيرة المحملة وتركنها على جنب ، دى حتبقى الطعم بيبقى حوالى ربع كيلو او اقل ، وبعد ما تخلص فرز ، حتشيل البرغوت الكبير فى التلاجة فى ورق جرايد ، بلاش تحطه فى كيس نايلون .
حيفضل عندك باقى البرغوت ، حتحطه فى كيس نايلون ، وتحط عليه معلقة سبيرتو او ربع كباية مية بسكر مركزة ، وتقلبهم فيه وتختار حتة شمس وتعلق الكيس دة فيه ، وتاخده معاك وانت رايح تصطاد ، بس ابقى لفه فى كام كيس لو حتركب مواصلات لان ريحته حتبقى صعب اوى .
طريقة صيد سمك التيس
زى ما قلنا بوصة لاتقل عن 7 متر ، شعر القرمة 50 فلة متوسطة ، الترميل بجوز واسع فردة 2 متر وفردة متر ونص سنار 7 بكرش شعر 35 .
اول ما توصل للمكان اللى حتصطاد فيه ، زفر بقطع من الزفر اللى انت جهزته قبل ما تفرد البوصة ، وكل ربع ساعة ارمى قطعة من الزفر ، وبعد ما ربنا يكرمك ، ويطلع معاك سمكة تيس ، ارمى بردو قطعة من الزفر ، بس زى ما قلنا ، اول ما الفلة تنزل خالص ، ترد ردة عفية جدا ، بحيث انك تخطفه فى الردة دى ، ميلحقش يدخل الصخور (الوعر).
نفس الكلام اللى فوق دة ، حنعمله بعد شهر 3 ببوصة 5 متر ، لان فى الوقت دة المية بتكون دفت شوية ، فبنلاقي سمكة التيس بتحب تمسك الاثر فى الوقت دة .
اتمنى انى اكون عرفت اشرحلكم حاجة تفيدكم
طبعا لو غاوي صيد زيي لازم تزور صفحة تعلم صيد السمك واذا بتتعب من صيد التسقيط يبقي اكيد محتاج تعرف علاج دوار البحر
