صيد سمك الغلانفيش

طريقة صيد سمك الجلانفيش

سمك الجلانفيش

 سمك الجلانفيش يعيش في الثلث الأول من سطح الماء وهو بذلك من الأسماك العائمه
مثل سمك الموزه يمشي الجلانفيش في أسراب كبيره وبمجرد دخول السمكة على الطعم اعلم ان ثلاجتك ستمتليء ولكن عليك بإستخدام السنار المناسب لأنها سمكه ذات فم صغير

الطعم المستخدم :

برغوت أو دود بحر لكن عيب الدود انه ممكن ميكملش اليوم لأن الغلانفيش سمك شره
فلة كبيرة ( شمندورة )  + 2 سنار كفته مقاس من 12 الى 9  لا اكثر ولا اقل لأنه كما ذكرت فمه صغير و ايضا سنحتاج رصاصة تعادل وزن الشمندورة

قرمة صيد الجلانفيش

سلاحين مربوطين في خيط زوجي طول لا يقل عن متر وربع تقريبا ثم نقوم بأدخال الشمندورة في الخيط الأساسي مع عمل محبس لها ونبعد الرصاصة عن الشمندورة من 60 الى 80 سنتم تقريبا ثم نحضر المدور ونربط السنارين ولكن مع عدم ربطهم من المنتصف لكي لا يتشابك الخيط وبحيث يكون سلاح اعلى من سلاح مسافة لا تقل عن 20 سم .
وللتزفير لسمك الجلانفيش نستخدم فتات العيش بعد غمسها فى الماء ونضعها في الماء على بعد مناسب حسب قوة الريح وفى عكس اتجاه الريح وننزل بالقرمه والرصاص في اتجاه الرياح  ومع حركة التيار مع الريح ستصل الفتات اليها ، الفكره هنا ان الجلانفيش بياكل البساريا الصغيرة والعيش بتأكله البساريا والسمك الصغير وبالتالي يحضر الجلانفيش

ملحوظه :

إذا حضر الجلانفيش و لم يكن معك شمندوره وخبز بتصطاد حساس ، قم بربط سلاحين فوق الرصاص بمترين او حسب عمق الميه بتظبط العيار على التلت الاول من العمق وارمي واحده واحده بالطعم وحمل البوصه على ايديك بحيث يكون كفك كله تحت البوصه عشان تحس بالسمكه واسحب على الهادي وبالراحه

حساب مواعيد المد و الجزر

طبعا لو غاوي صيد زيي لازم تزور صفحة تعلم صيد السمك
واذا بتتعب من صيد التسقيط يبقي اكيد محتاج تعرف علاج دوار البحر
اما لو لسه هتبدأ تتعلم ف شوف كيف تختار البوصه المناسبه ؟
وطبعا تتعلم شويه من موضوع صيد السمك بالسناره للمبتدئين

كمان اتعرف على طرق صيد الأسماك

طريقه صيد سمك البلطي

طريقه صيد سمك البورى

طريقه صيد سمك القراميط

طريقه صيد سمك الدنيس

طريقه صيد سمك الوقار

اتمنى للجميع الافادة وعشان تستفيد اكتر ادخل على

مدونة تعلم صيد السمك للمبتدئين