أماكن صيد الأسماك فى المنتزة
موضوع شامل عن صيد السمك داخل المنتزة .. ارجو ان تعم الفائدة منه و يستفيد كل من يقرأهالصورة الاولى :
دى زى خريطة للمكان من عند الدخول من بوابة المندرة ودي للناس اللى لم يسبق لهم الدخول للتسهيل (علشان اول مرة انا تهت)...
نلاحظ فى الصورة الاولى لو دخلت يمين عند الوصول للدوران سيؤدى الى طريق الفنار .
الصورة الثانية :
دى خريطة تؤدى للفنار عند الدخول من بوابة السكة الحديد (بعد المندرة) ....
نلاحظ عند الوصول للدوران لو اخذت الطريق على الجهة الشمال سيؤدى الى طريق شاليه السادات عند التكعيبه .
الصورة الثالثة :
صورة لمكان "شاليه السادات" ..المكان منظره جميل و جيد جدا لمحبى الهدوء لانه لا يدخله سوى الصيادين ....
"المربع رقم 1 و4" و ده بقى الارض رملية و الوعر فيه قليل تحته و قدامه و المكان الوحيد المناسب للتشويح بالمكنه و البوصه فيه من اول 5 متر و الطعم عجينه و برغوت و عقر (اللى انا جربته و لو دود قراص او اسمعيلاوى مش هيقول لا )
سمكه الموزه فيه احجام كويسه و المرمار و البطاطا و ايام الزنجاريا و الغلامفيش بيكون موقع مميز.
"المربع رقم 2" و ده بعد اول مربع على طول حتى اول الشاليهات تحت المشاية دى فيه بلوكات طبعا ناحية المفتوح... يا سلام عليه بتحصل منه على شراغيش محترمة بالعقر و البرغوت الحى
و ده يرجع لانه يوجد به وعر موسّع لجوه حوالى 6 متر و بين الوعر ده شقوق يا سلام لو عرفت ترمى فيها هتاخد خيرات الله بس طبعا بالصبر .
"المربع رقم 3 " و ده بقى ورا الشليهات و ده تلفله من اخر المشاية اللى فى مربع 2
كلمة السر فى المكان ده "اقف فى الميه" يعنى تاخد شورت و تقف على الصخر اللى مغرقاه الميه و الميه فيه بتوصل للركبه و بعد الصخر ده على طول...غرق حوالى 3 او 4 متر و ورا منك بتبقى مجمعة خضره فى البرك الصغيرة فى الصيف قطع منها و اشتغل على البطاطا "احجام مش بطاله و كله خير من عند الله" و هشرح الشغل عليها ازاى فى اخر الموضوع
كما تتميز بالموزا و الشراغيش و الكلمارى ايضا فى موسمه "من شهر 10 "
.....و بكده ننهى اول مكان "شاليه السادات". وخد نفسك علشان اللى جى احلى
الصورة الرابعة :
و ده بقا المكان الشهير اللى معظم الناس تعرفه "كوبرى الفنار" السؤال هنا "ازاى انزل تحت الفنار ؟........
بسيطه ... شايف المربع رقم واحد ده ؟ قبل الصلبان على طول فيه سلم طوبى انزل عليه و ده لو عايز تقعد عند اول جزء من منه و ده اللى انا مجربه و ده بقا عايز تركيز...
فى الضهر اللى هو كله صلبان و بلوكات قدامك وعر كبير ممتد و موسع لجوه و كله تحت الميه مافيش حاجه منه باينه على السطح
و ده بقا بأخد منه شراغيش محترمة بالبرغوت و العقر و جوز واسع 8 او 9 كفته و كل واحد و طريقته و البوص فيه من اول 6 متر .و في ناس بتحب صيد البورى بتقعد هناك بس انا ما جربتش .
سؤال تانى : لو البحر عالى و عايز اقعد العكس و ادى وشى للسلاملك ؟
عادى بعد ما تنزل من السلم اللى قلنا عليه هتلاقى الفتحة اللى فى المربع 3" ادخل هتعديك الناحيه التانية و دى بوص من اول 5 متر بس خليك على اخرها عند دخلة الميه احلى .
سؤال ثالث : لو عايز اعدى اقف فى الجزء التانى من الكوبرى او جنب الفنار ؟
تمام حضرتك هتطلع الكوبرى من جنب السلم اللى قلنا عليه ...عدى الحاجز الحديد و اطلع و السلالم اللى بتنزل كتير بس خليك بعيد عن الفنار علشان ممنوع يعنى ماتقربش اوى.
و كده الجزء ده خلص .....رايح فين لسه فيه تانى.
الصورة الخامسة :
الصورة دى بتجمع البلكونات و الاحواض المقتوحة على البحر خلفها.
"المربع رقم1" و ده بقى مكان للتشويح بس من رأى مش اللى هو ...و بيبقى كويس فى حالة واحده و هو "موسم الكلمارى فى النهار" الكلمارى فى النهار بيدخل فيها ..و جرى بالبارة و انت و رزقك ..
.
"المربع رقم 2" و ده بقا حكاية لما البحر يكون عالى و المية مغرقة البلكونات بعد الصلبان على طول من فوق خد شورت و تيشرت و اقف و بالحساس (سبحة و رصاصة) فى بوصة لا تقل عن 6 متر و مش هتلحق تنزل البوصة و السمكة هتعلق معاك (شراغيش و جناشير ورا بعض بتبقى ماسكة السور) ......... و مكان مميز جدا للتشويح لان الوعر قدامه قليل و ياسلام فى موسم الكلمارى "الحته دى مميزه جدا جدا و الشغل بيبقى باليل و لو جيت متأخر مش هتلاقى مكان من كتر الناس اللى بتبقى واقفه عليه".
.
"المربع رقم 3" و دى مصاطب تحت سور البلكونة قريبة من المايه و فيه وعر قدامها و كل ده امتداد للبلكونات.
.
"المربع رقم 4" و دى الاحواض الموجوده خلف البلكونات و ده ممر فى وسطهم
و الاحواض دى انا اخد منها مرمار و جناشير و مرزبان و جلامفيش وممكن تشتغل فيها ببوص من اول 4 متر .
خد نفسك و ركز فى اللى جى جامد اوى اوى.
الصورة السادسة :
و دى بقا فى اخر البلكونات ارض منخفضه و بعدها الحاجز و على اليمين وراء الفيلا الموجوده فى اخر البلكونات لسان اخر و مصطبة مرتفعة "لما هتروح هتشوفها علشان مش لاقى صور ليها "
"الصورة اللى فوق" دى مدخل بعد البلكونات للحاجز الكبير و بعد الصخرة العالية اللى الصباد ده واقف عليها نزله و بعدها صخرة عالية مش اى حد يعرف يطلعها و تانى نازلة بعد كده الحاجز قدامك مستوى " و هو عبارة عن حاجز مرجانى زى الجزر بالظبط" و الوعر قدامه مربى سمك حلو و البطاطا خشابى بالخضرة اللى جنبك.
"و الصورة اللى تحت" ده اول الحاجز الصغير و الداخلة بتاعته متحدد عليها زى الصورة و دى المنطقة المميزة لصيد الزنجاريا و الغلامفيش.
و الحاجز ده كله سمكه كتير و حاضر بسبب الوعر
"المنطقة اللى واقف عليها المصور فى الصورة اللى تحت "
هى دى المصطبة العاليا اللى بعد الفيلا و دى غرق حوالى 6 او 7 متر لتحت و مناسبة للتشويح ....و احلى بطاطا تجبها منها
فيه لسان خلفها و بجوارة على مسافة صغيرة لسان اخر و مناسبين للصيد بالبوصة و يمكن التشويح على اللسان الاول بزاوية الى اليمين.
ملحوظه : ورا المسطبة دى فيه حوض عالى عن البحر بمتر و المياه بتدخل جارية فيه و فيه كمية خضرة رهيبة و اطوالها لم ارى مثلها فى اى مكان و مناسبة جدا لصيد البطاطا .
ملحوظه : ورا المسطبة دى فيه حوض عالى عن البحر بمتر و المياه بتدخل جارية فيه و فيه كمية خضرة رهيبة و اطوالها لم ارى مثلها فى اى مكان و مناسبة جدا لصيد البطاطا .
طرق الصيد واهم سمك :
1- سمك البطاطا :
طبعا البطاطا زى ما احنا عارفين بتكنس اى طعم تشوفه و لكن الاحجام الكبيرة بقا اجبها ازاى ؟
طبعا العجينه وسيلة جيده و لكن ليست مجدية مثل الخضرة و عن تجربة
الطريقة : من الحوض اللى قلت عليه بتاع الخضرة او اى مكان به خضرة....جمع خضرة (نسيله و تكون زرقاء اللى هى اخضر غامق) و ماتكترش علشان اللى يجى بعدك...
و جمع كمات شوية خضرة ورقة بس ما تكنش الغامقة تبقى فاتحة شوية ...
و استخدم الخضرة الورقة ظفر ارميه قدامك على فترات متقطعه ..... و النسيلة طعم و اعمل ))) مشنقة خضرة ((( ... بس انا ليا تعديل عليها خلى الشليط اللى فوق متوسط و الشليط اللى تحت اكبر منه بنمرة و جربها و هتدعيلى.
ملحوظه: فى شهر 5 البطاطا المبطرخة اللى كلها كفافى و زياده .
2- سمك الزنجاريا و الغلامفيش :
و دى لازم مكنه و فلة شمندورة تحتها فلة صغيرة و فيه مواضيع مميزة فى الجروب عن صيد الزنجاريا و احسن مكان زى ما قلت الحاجز الصغير و المصطبة بس ما تنساش الظفر :D
3- الكليمارى والسبيط :
و ده بقا الشغل الصح عليه بالليل و احسن مكان عند اول البلكونات بعد الصلبان باللبارة اللى بتتشحن " القماش" و خد معاك اقل حاجه 2 لونين مختلفين و كشاف اشحن واحدة و اشتغل بيها و حط التانية على الكشاف و غير فيهم لحد ما تمسك معاك الكليمارى و الرزق على الله و لو حد جنبك اخد واحده ارمى على طول مكانه هتاخد واحده بنسبة 70% . و انت بتسحب اسحب بهدوء .
و بكده خلص الموضوع ...... مع تمنياتى لكم بالتوفيق و الرزق الوفير
ولو حبيت تصطاد تسقيط لازم تزور موضوع صيد التسقيط
اما لو حضرت اى سمكة ومش عارف تعمل اى يبقي ادخل بسرعه علي موقعنا
طبعا العجينه وسيلة جيده و لكن ليست مجدية مثل الخضرة و عن تجربة
الطريقة : من الحوض اللى قلت عليه بتاع الخضرة او اى مكان به خضرة....جمع خضرة (نسيله و تكون زرقاء اللى هى اخضر غامق) و ماتكترش علشان اللى يجى بعدك...
و جمع كمات شوية خضرة ورقة بس ما تكنش الغامقة تبقى فاتحة شوية ...
و استخدم الخضرة الورقة ظفر ارميه قدامك على فترات متقطعه ..... و النسيلة طعم و اعمل ))) مشنقة خضرة ((( ... بس انا ليا تعديل عليها خلى الشليط اللى فوق متوسط و الشليط اللى تحت اكبر منه بنمرة و جربها و هتدعيلى.
ملحوظه: فى شهر 5 البطاطا المبطرخة اللى كلها كفافى و زياده .
2- سمك الزنجاريا و الغلامفيش :
و دى لازم مكنه و فلة شمندورة تحتها فلة صغيرة و فيه مواضيع مميزة فى الجروب عن صيد الزنجاريا و احسن مكان زى ما قلت الحاجز الصغير و المصطبة بس ما تنساش الظفر :D
3- الكليمارى والسبيط :
و ده بقا الشغل الصح عليه بالليل و احسن مكان عند اول البلكونات بعد الصلبان باللبارة اللى بتتشحن " القماش" و خد معاك اقل حاجه 2 لونين مختلفين و كشاف اشحن واحدة و اشتغل بيها و حط التانية على الكشاف و غير فيهم لحد ما تمسك معاك الكليمارى و الرزق على الله و لو حد جنبك اخد واحده ارمى على طول مكانه هتاخد واحده بنسبة 70% . و انت بتسحب اسحب بهدوء .
و بكده خلص الموضوع ...... مع تمنياتى لكم بالتوفيق و الرزق الوفير
ولو حبيت تصطاد تسقيط لازم تزور موضوع صيد التسقيط
اما لو حضرت اى سمكة ومش عارف تعمل اى يبقي ادخل بسرعه علي موقعنا
تابع معنا أيضا للمزيد من الخبره و المعلومات
