ضبط ميزان فله الصيد

ودي بتبقي حسب خبرتك فى صيد السمك اللى بتتظبط تدريجيا مع كل مره تنزل تصطاد فيها
وتقدر كمان تراجع طريقة تعامل أسماك البحر المتوسط مع الفله وكمان خد بالك من اللى جاي دا :

لو انت بتأكل السمكه مش بتلطش بشلاط مثلا بنخلي الفله والرصاصه علي وزن مظبوط على العيار تمام ( يعنى وزن الرصاصه يخلى نص الفله فوق و نصها تحت ) هنا بقي أول م تغمز ( تغطس ) ترد فيها علي طول

لو حاطط طعم خشن (جامد زي الكاليماري مثلا أو اخطبوط ) طبعا السمكه متقدرش تسلته من اول ضربه وممكن تكون سمكه من النوع اللي بيقضم الطعم مش بيبلع يبقي نخفف الرصاصه شويه و هنا الفله أغلبها هيبقي على وش الميه ومش هتغطس الا لما السمكه تبلع الطعمايه للآخر والعكس مع نفس السمكه لو الطعم طري وسهل .
نفس الفكره تقريبا بنستخدمها لو الميه فايره ( عاليه ) وبيضاء ( موج مقلب على وش الميه كتير ف عامله لون أبيض ) ف الفله تكون عايمه علشان تقدر تلاحظ الفرق بين قلبة الموجه وغطسة السمكه . طب فيه سمك بيحسس علي الطعم زي مثلا سمك البوري يبقي ميزان الفله لصالح الرصاصه (الرصاصه اتقل سنه ) بالتالى أقل ضربه للسمكه بغطسه وكدا السمكه معاك متهربش عموما دى خبره مبدئيه وانت تدريجيا هتبقي بتربط بين نوع السمكه و الطعم و طبيعة المكان اللى بترمي فيه

و فى الآخر الارزاق بيد الله

طبعا لو غاوي صيد زيي لازم تزور صفحة تعلم صيد السمك واذا بتتعب من صيد التسقيط يبقي اكيد محتاج تعرف علاج دوار البحر

اتمنى للجميع الافادة وعشان تستفيد اكتر ادخل على

https://al-sayad.blogspot.com

تابع معنا أيضا للمزيد من الخبره و المعلومات

انواع السمك اللى ياكل عجين

صيد سمك اللوت

صيد الكابوريا

صيد الكاليمارى والسبيط

تعليقات

المشاركات الشائعة من هذه المدونة

اسماء السمك وانواع الاسماك باللغة الانجليزيه

اسماء السمك وانواع الاسماك باللغة الانجليزيه اسماء السمك وانواع الاسماك باللغة الانجليزيه ..........سؤال يطرح نفسه اسم السمكه دي اى بالانجليزى ؟ مشكله بتقابل كل مغترب فكر يشتري سمك و مش عارف يطلبه .... ويا سلام لو عنده استعداد زيي انه ياكل سمك فطار و غداء و عشاء كنت الاول بروح سوق السمك او الماركت و اقوله عاوز من ده ؟ وهنا كان كتير من البياعين بيركز معايا وبيعلى السعر عليا مع الوقت بقي عرفت الاسامي وكان لازم أفيد كل الناس بيها دا غير بقي الأنواع إللى مش موجوده ف اسكندريه اساسا و مكنش الواحد يسمع بيها و كمان أسماك البحر الأحمر و أسماك الخليج العربي البطاطا Dusky spine foot المرجان Bream السردين Sardine البلاميطه Bonito البلطى Tilapia انشوجة Anchovy سمك البورى mullet المرمار Marmora القرموط catfish الحريت و البغبغان Parrotfish القاروص sea bass الباراكودا Barracuda المياس Blue Fish استاكوزا Lobster الكالاماري و السبيط Calamari بلح البحر Mussels الكابوريا Crabs سمك موسى Sole Fish جمبرى Shrimp اخطبوط Octopus سالامون Salmon جاندوفلي Clams

قراءة المزيد

دعاء الصيد في البحر

دعاء الصيد في البحر هو انا ينفع أخد ثواب و أجر وانا بمارس هوايتى المفضله و بصطاد ؟ أكيد طبعا هو إنت عندك شك دعاء الصيد فى البحر انا هقولك .... بص يا سيدي وصلى على حبيبك النبي يقول تعالى فى كتابه الكريم ( قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ ) صدق الله العظيم عليك أخى الحبيب أن تعرف كيف تحصل على الاجر و الثواب من الله بخطواط بسيطه تتخذها عندما تمارس هواية الصيد وهى : الصلاة في البحر أولا عليك بتجديد نيتك وجعلها خالصة لوجه الله ثانيا أثناء توجهك لمكان الصيد " بسم الله خرجنا وعلى الله ربنا توكلنا " ثالثا عند ركوبك سياره او مركب أو بلانص أو يخت او سفينه " سبحان الذي سخر لنا هذا وما كنا له مقرنين وإنا إلى ربنا لمنقلبون، الحمد لله الحمد لله الحمد لله، والله أكبر والله أكبر والله أكبر، سبحانك إني ظلمت نفسي فاغفر لي فإنه لا يغفر الذنوب إلا أنت " رابعا عند وصولك لجزيره "أعوذ بكلمات الله التامات من شر ما خلق " خامسا قبل بداية الصيد بسم الله مجريها وم

قراءة المزيد

صيد كاليماري و سوبيط و ما الفرق بين السبيط والكاليماري

ايه الفرق بين الكاليماري وبين السوبيط ؟ كلمة كاليماري هي الكلمة الايطالية للحبار وبالانجليزية squid بنوعيه العريض (اللي بنقول عليه سبيط) والطويل (اللي بنقول عليه كاليماري) يعني مافيش حاجة اسمها سمك كاليماري وحاجة اسمها سمك سبيط ... الفكره انهم الاتنين ممكن يتقال عليهم كاليماري أو سبيط لأنهم فصيل واحده اسمه الحبار البسيط الفرق بين الكاليماري وبين السوبيط أما عن التقسيم الدارج فى مصر والفرق بين الكليماري و السبيط فنوضحه كالتالى السبيط هو صاحب شكل عريض المنكبين وفى الانجليزيه هو grin emoticon وعظمته عريضة وسميكه ولحمه سميك الكليماري شكل الكاليماري مبروم بجسم مخروطي وعظمته خفيفة ورفيعة شفافة ولحمه رفيع . سمكة الكليمارى او السبيط من الرخويات البحرية التى تتمتع بقوة غير عادية فى الشد أثناء صيدها حتى ولو كانت صغيرة الحجم بالرغم من سهولة وصعوبة صيدها. كاليماري سبيط موسم صيد السبيط والكاليماري موسم الصيد لها يبدأ من شهر 8 وحتى اخر شهر 3 وأفضل وقت ل صيد الكاليماري و صيد السبيط بيكون ف الايام من 7-22 من الشهر العربي وبعد المغربية وقبل الفجر و فى موسم التزاوج من

قراءة المزيد

تعلم صيد السمك

بحث هذه المدونة الإلكترونية