هعمل ايه لو وعرت .. ما العمل عندما يعلق خيط الصيد بين الصخور ؟

ما العمل عندما يعلق خيط الصيد بين الصخور ؟

مهو حاجه من إتنين

أولا ممكن تكون بتصطاد من على الشط

ولا حاجة
ببساطه شديده انت من الاصل واثق فى البوصه ف تقوم تشد فى إتجاه جانبي (تميل البوصه بزاويه 45 درجه بحركه شبه السوسته ) ثلاث أو أربع مرات فى إتجاه اليمين ومره تانيه للجهه الشمال ثلاث أو أربع مرات برضو و تكرر كام مره كده
طب م سلكتش معاك يا معلم تعمل إى ؟
تروح منيم البوصه ورايح على اولها لحد م توصل الى اللبلوب و تشد الشعر لغاية لما يقطقع ( يروح سلاح ف داهيه لكن تروح البوصه د أنا يجينى أزمه قلبيه ).

ثانيا بتصطاد على الوعر

انتا عارف من البداية ان المنطقه صخريه تعمل إي ؟
من البدايه احدف بالبوصه يعنى اوعى تجرجر على القاع و تشد وحده وحده و بلاش تجرجر الطعم فى المياه تسيبها منغير جرجره عمرها ما توعر منك

طب لو وعرت ؟

شدها شدتين واتركها مره واحده لو مفيش فايده اجعل البوصه فى اتجاه الشعر او الخيط واسحبها وانتا بتطلع على الشاطئ عكس اتجاه البحر و تمسك الشعر من تحت البوصه ويا السناره تنفرد او تنقطع او القرمه كلها تروح واعمل غيرها
نصيحه : لو بتشبك كتير ممكن تستخدم بوجيه السياره التالف بدلا من الرصاصه
ملحوظه أخيره : دايما لما تشبك فى صخر إوعى تمسك الخيط بإيدك يفضل يكون معاك قطعه قماش

طبعا لو غاوي صيد زيي لازم تزور صفحة تعلم صيد السمك واذا بتتعب من صيد التسقيط يبقي اكيد محتاج تعرف علاج دوار البحر

اتمنى للجميع الافادة وعشان تستفيد اكتر ادخل على

https://al-sayad.blogspot.com

تابع معنا أيضا للمزيد من الخبره و المعلومات

صيد سمك البوري

افضل اوقات صيد السمك

اشهر أماكن ادوات الصيد بالاسكندريه

مشنقة الخضره لصيد سمك البطاطا

سبحة التسقيط على الوعر

تعليقات

المشاركات الشائعة من هذه المدونة

اسماء السمك وانواع الاسماك باللغة الانجليزيه

اسماء السمك وانواع الاسماك باللغة الانجليزيه اسماء السمك وانواع الاسماك باللغة الانجليزيه ..........سؤال يطرح نفسه اسم السمكه دي اى بالانجليزى ؟ مشكله بتقابل كل مغترب فكر يشتري سمك و مش عارف يطلبه .... ويا سلام لو عنده استعداد زيي انه ياكل سمك فطار و غداء و عشاء كنت الاول بروح سوق السمك او الماركت و اقوله عاوز من ده ؟ وهنا كان كتير من البياعين بيركز معايا وبيعلى السعر عليا مع الوقت بقي عرفت الاسامي وكان لازم أفيد كل الناس بيها دا غير بقي الأنواع إللى مش موجوده ف اسكندريه اساسا و مكنش الواحد يسمع بيها و كمان أسماك البحر الأحمر و أسماك الخليج العربي البطاطا Dusky spine foot المرجان Bream السردين Sardine البلاميطه Bonito البلطى Tilapia انشوجة Anchovy سمك البورى mullet المرمار Marmora القرموط catfish الحريت و البغبغان Parrotfish القاروص sea bass الباراكودا Barracuda المياس Blue Fish استاكوزا Lobster الكالاماري و السبيط Calamari بلح البحر Mussels الكابوريا Crabs سمك موسى Sole Fish جمبرى Shrimp اخطبوط Octopus سالامون Salmon جاندوفلي Clams

قراءة المزيد

دعاء الصيد في البحر

دعاء الصيد في البحر هو انا ينفع أخد ثواب و أجر وانا بمارس هوايتى المفضله و بصطاد ؟ أكيد طبعا هو إنت عندك شك دعاء الصيد فى البحر انا هقولك .... بص يا سيدي وصلى على حبيبك النبي يقول تعالى فى كتابه الكريم ( قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ ) صدق الله العظيم عليك أخى الحبيب أن تعرف كيف تحصل على الاجر و الثواب من الله بخطواط بسيطه تتخذها عندما تمارس هواية الصيد وهى : الصلاة في البحر أولا عليك بتجديد نيتك وجعلها خالصة لوجه الله ثانيا أثناء توجهك لمكان الصيد " بسم الله خرجنا وعلى الله ربنا توكلنا " ثالثا عند ركوبك سياره او مركب أو بلانص أو يخت او سفينه " سبحان الذي سخر لنا هذا وما كنا له مقرنين وإنا إلى ربنا لمنقلبون، الحمد لله الحمد لله الحمد لله، والله أكبر والله أكبر والله أكبر، سبحانك إني ظلمت نفسي فاغفر لي فإنه لا يغفر الذنوب إلا أنت " رابعا عند وصولك لجزيره "أعوذ بكلمات الله التامات من شر ما خلق " خامسا قبل بداية الصيد بسم الله مجريها وم

قراءة المزيد

صيد كاليماري و سوبيط و ما الفرق بين السبيط والكاليماري

ايه الفرق بين الكاليماري وبين السوبيط ؟ كلمة كاليماري هي الكلمة الايطالية للحبار وبالانجليزية squid بنوعيه العريض (اللي بنقول عليه سبيط) والطويل (اللي بنقول عليه كاليماري) يعني مافيش حاجة اسمها سمك كاليماري وحاجة اسمها سمك سبيط ... الفكره انهم الاتنين ممكن يتقال عليهم كاليماري أو سبيط لأنهم فصيل واحده اسمه الحبار البسيط الفرق بين الكاليماري وبين السوبيط أما عن التقسيم الدارج فى مصر والفرق بين الكليماري و السبيط فنوضحه كالتالى السبيط هو صاحب شكل عريض المنكبين وفى الانجليزيه هو grin emoticon وعظمته عريضة وسميكه ولحمه سميك الكليماري شكل الكاليماري مبروم بجسم مخروطي وعظمته خفيفة ورفيعة شفافة ولحمه رفيع . سمكة الكليمارى او السبيط من الرخويات البحرية التى تتمتع بقوة غير عادية فى الشد أثناء صيدها حتى ولو كانت صغيرة الحجم بالرغم من سهولة وصعوبة صيدها. كاليماري سبيط موسم صيد السبيط والكاليماري موسم الصيد لها يبدأ من شهر 8 وحتى اخر شهر 3 وأفضل وقت ل صيد الكاليماري و صيد السبيط بيكون ف الايام من 7-22 من الشهر العربي وبعد المغربية وقبل الفجر و فى موسم التزاوج من

قراءة المزيد

تعلم صيد السمك

بحث هذه المدونة الإلكترونية