الغله عموما الموجوده فى مصر ثلاثة أنواع روسي و أمريكي و بلدي وجميعهم يمكن استخدامه فى الصيد لكن الاختلاف فى وقت التحضير لعملية صيد السمك
 |
| سمك البلطي |
يستحسن من غلة القمح البلدي ذو الحبه الكبيره ووطبعا الغله تكون كامله بقشرها
طريقة تحضير الغلة للصيد :
الطريقه الأفضل هي نقع الغله لفترة من 3 الى 5 أيام حسب نوعها حتى تصبح لينه ويتم جسها " مسك حبايباتها " بداية من اليوم الثالث حتى تري انها اصبحت طرية ولكن ليس لدرجة العجين حتى لا تقع من السنار أو تنكسر فى الماء
اما الطريقه الأسرع وطبعا مع الاحتفاظ بنفس درجة الليونه في حباة غله الصيد فهي تكون بسلق الغله فى الماء على نار هادئه فى بعض الماء حتى يكتمل نضوجها
وممكن ترجع لموضوع
طريقة تحضير غلة الصيد
التزفير وتجهيز الدور ((( عمل مرايه )))
طب هنظفر بإيه ؟؟
يكون هذا بإستخدام ما يسمي بالعلفه وهى مكونه من
ردة خشنه ، 1/8غله منقوعة او مسلوقه ، بعض العلف البلدى ، دشيشة ناعمة ، زبل فراخ
تخلط المكونات جيدا ويستحسن قبل الطلعه بيومين وتترك لتخمر فى الشمس
 |
| غلة صيد السمك |
بنبدأ بعمل مرايا
بنعمل من 3 الى 6 مرايات و بنتحرك بينهم على مدار الواقت و المرايه اللى بتشتغل معاك بتفضل عليها لحد م السمكه تبطل تاكل
المرايا هى اهم مافى الشغل كله ... طب بتتعمل ازاى ؟؟
بتختار مكان ميته هاديه و يفضل لو فى شكل دائري بتكون المياه فيه سريعه و بنحضره
يترك الدور لمدة لا تقل عن نصف ساعة ثم تعود له ويجب الحرص كل الحرص ان تكون بعيدا عن راس الدور وعلى قد ما تقدر تختفى لان سمكة الغله حساسه جدا
يراعى فى اختيار المكان قبل القاء المرايا ان يكون الدور اجوف او بيضاوى الشكل او ربع دائرى
الاسماك التى تاكل الغله:
البلطى اساسى ، البلاشون ، المبروكة ، الشبار
طريقة التطعيم
يطعم حبه واحدة على راس السلاح من مؤخرة حبة الغله
وبعض الناس يطعمون اكثر من حبه والبعض الاخر يطعم السن باكمله
فى كل الحالات صحيحة
طريقة الرد والضرب عند الغمز
بالنسبة لشغل الغمز فى الغله هما حالتين فقط سحبه او غمزة واحدة فقط يا اما ليك يا اما راحت
الرد والضرب يكون عمودى لاعلى حتى تشكم السن فى المكان الصحيح من فم السمكة
طريقة الغمز هى اول ما يغطس الغماز بمسافة 10 سم يجب ان تكون يقظ لهذه اللحظة كما قولت ويجب ان ترد عليه
اما فى السحبه فتاكد انها سمكة لا تعوض ووزنها قد يتعدى المقاس المعتاد ويرد عليها فورا وعموديا
الأدوات المستخدمة
بوصه أو ممكن إثنان ، فله رفيعه جدا ، خيط ماكينة 30 ، ترميل 25 ، سنار مقاس 0.1 او 1 او2 او 3 ، رصاص حمصه
نصيحه أخيره يفضل فى صيد الماء العذب و خصوصا الغله أن تكون ألوان الملابس غوامق
 |
| صيد السمك بالغلة |
و نعمل وش مجوز بشعر 30 بفاصل 5 سم بين السنين
طول الوش قصير عشان تحس باول نقرة يعني تحت التقل بـ 20 سم
السلاح 6 او 7 بسلاح حامي والافضل يكون دقنه واطى و مفتوح نسبيا
ضع حبة غلة واحدة علي السن الامامي بحيث لاتظهر مقدمة السن الحادة عند الصيد عن طريق شك القمحة فى السن من ناحية مكان الانبات فى الحبة لانة اقوى مكان فى القمحة
و الغماز (حرامي) أصغر غماز تلاقيه و الرصاص ورق " قشر " موزون
ترمى قدام وبعد كده تسحب الغماز براحة لعندك عشان السنار يرسى على الارض ومايعومش يعنى نرقد السنون على الأرض ومن اول سحبة تلطش على طول أشكم شكمة جامدة و بسرعة يعنى ما تستناش لان كدة يبأي السن في فم السمكة
حاول ترجع للخلف قدر الامكان بحيث لا تظهر لا انت ولا خيالك للسمكة لان اصلا السمك لو شايفك مش هياكل وطول الخيط من فوق الغماز وارمي من بعيد عنها يدوبك تكون شايف الغماز و تسرح لها بالغله وخليك منتبه لاي حركة من غماز الصيد كما يفضل ان ترتدي ملابس الوانها بدرجات الاخضر الغامق او الزيتي وهي الوان لا تلفت انتباه السمك وحاول ان تكون حركتك و حركة العود قليلة قدر الامكان مع التزام الهدوء وعدم الحركة او الصخب
ملاحظه هامه ان لا تترك السناره فى الماء مده طويله بدون تحريك (حرك كل شويه ) يعنى ارمى جوه واسحب عليك ناحيه الغله الموضوعه قريب
طبعا لو غاوي صيد بحر لازم تزور صفحة تعلم صيد السمك واذا بتتعب من صيد التسقيط يبقي اكيد محتاج تعرف علاج دوار البحر
