حوادث الصيد بالسناره : لو شبك سنار الصيد فى جسمك
 |
لو شبك سنار الصيد فى جسمك
فى صيد السمك بلاقي ناس كتير بالذات المبتدئين خصوصا فى صيد التشويح أو أثناء عمل قرمة صيد السمك أو أثناء ربط السلاح بيشبك السلاح ف منطقة من الجسم ( طبعا بشكل غير مقصود )وفى مناطق شائع دخول السنار فيها زى الاصابع و كف اليد و الاصعب بيكون فى الأذن أو فى الأنف ..... طب فى هذه الحاله نعمل إي ؟
الأهم فى الموضوع انك متتفاجئش ولا تنفعل و تتصرف بهدوء شديد والافضل لو أقرب صيدليه أو دكتور طبعا هيبقي افضل
طب انا على البحر يا عم الحاج اتصرف ازاى ؟
حضر فوطه أو منديل نظيف و بنز صغير و بعض الكحول الأبيض و يفضل لو بعض البيتادين وبعض مياه البحر مباشرة بس يفضل تحطها فى أى إناء للتأكد من عدم وجود أى شوائب أو رمال بها
 |
| بنز صغير |
لو سنار صيد السمك معدى من ناحيه طالع من ناحية أخري زي الصوره دي
بتقطم نهاية السنار ( الجزء المدبب بالنتؤ البارز) بالبنز الصغير
 |
| نهاية السنار |
وتقطعها نهائيا وطبعا تلقائيا بيبقي سهل تطلع باقي السلاح من الجهه الأخري
طب السنار راشق ف مكان غليظ هتقوم ضاغط على السلاح ضغطه صغيره عشان تتاكد انه بعيد عن أى شريان أو وريد
– طب خلاص اتاكدت – هتضغط السن دائريا فى الاتجاه عكس دائرة السنار مثلا لنفترض السنار دخل دائرته مثل عقارب الساعه إذن عند إخراجه تخرج عكس اتجاه عقارب الساعه
خلاص كده يا عم الحاج
لأ طبعا كده بقي فيه جرح و كمان الجرح فيه دم فاسدطب نعمل إي ؟
بنضغط على المنطقه المجاوره لمكان دخول السنار من الناحيتين لدفع الدم للخروج وبمجرد أن يخرج بعض القطرات يمسح المكان بالماء المالح ثم يتم تطهير الجرح بالكحول الابيض وكتم المكان لمده تتراوح من 7 الى 10 دقايق الى حين يتوقف أن نزول للدم
خد بالك :
1- يمكن الاكتفاء بماء البحر كمطهر و ذلك لقول النبي عليه الصلاة و السلام (هو الطهور ماؤه والحل ميتته) صدق رسول الله صلى الله عليه و سلم
2- بعض الصيادين يقومون بمص مكان الجرح و هذا غير صحي و قد ينقل الامراض
3- لو السلاح به بعض الصدأ لابد من اخذ حقنة مضاض حيوي (تيتانوس) خلال الساعه الأولى من الشك خصوصا لو الجرح كبير.
طبعا لو غاوي صيد زيي لازم تزور صفحة تعلم صيد السمك واذا بتتعب من صيد التسقيط يبقي اكيد محتاج تعرف علاج دوار البحر
2- بعض الصيادين يقومون بمص مكان الجرح و هذا غير صحي و قد ينقل الامراض
3- لو السلاح به بعض الصدأ لابد من اخذ حقنة مضاض حيوي (تيتانوس) خلال الساعه الأولى من الشك خصوصا لو الجرح كبير.
طبعا لو غاوي صيد زيي لازم تزور صفحة تعلم صيد السمك واذا بتتعب من صيد التسقيط يبقي اكيد محتاج تعرف علاج دوار البحر
تعليقات
إرسال تعليق