تصاريح الصيد داخل المواني بالإسكندريه
 | |
| الاسكندريه |
تصاريح المواني تنقسم الي 3 أجزاء كل جزء مكمل للتاني وهنشرح بالتفصيل ان شاء الله بكل سهوله فبرجاء التركيز جيدا
ببساطه كده ( انا عايز ادخل اصطاد فالمينا ) طبعا دي محتاجه تصريح ....
طب تفتكر مسؤل قسم تصاريح الدخول اليوميه هيعملي التصريح الاسبوعي بناءً عن ايه؟
ايه الصفه الي هيدخلني بيها ؟
طبعا لاني صياد ..... طب وهيعرف منين المسؤل اني صياد ؟؟؟؟
يبقي دي اول خطوه لدخول المينا
 | |
| طلب استخراج تصريح صيد |
 |
| تصريح يومي |
عمل تصريح صيد للهواه
( صورتين شخصيه + صورة البطاقه + 30 ج ) من الجمرك باب (22) هيطلعلك التصريح الأول يشمل عدد 2 ميناء ( الاسكندريه + الدخيله )
كده انا ادخل بقي واعيش براحتي فالمينا .... هقولك ( لا ) طب ليه يا أخي .... هقولك مسؤل البوابه الرئيسيه للمينا هيقولك فين تصريح الدخول الأسبوعي ..... ودي تاني خطوه
عمل تصريح أسبوعي لدخول الميناء من الباب الرئيسي
كده أنت تدخل الميناء وتطيح فالسمك والبحر صيد
جميع التعاملات السابقه تحت إشراف وزارة الداخلية.
أما بقي الحواجز التي تخضع وتكون تحت إشراف كامل من ( القوات المسلحه ) فليها تصريح خاص
تصريح القوات المسلحه للحواجز الخاصه
( فيش جنائي موجه للأمن البحري + صوره شخصيه + صورة البطاقه )
وده بتقدم عليه فالأمن البحري بالقاعده البحريه برأس التين
بس مشكلته أن لازم ضامن من الأمن البحري علي أوراق تصريحك لضمان هوية صاحب التصريح وسؤال الضامن عند حدوث أي مشكله داخل الحواجز من صاحب التصريح ( إجراء أمني مشدد )
وهيطلعلك التصريح ل3 مواني ( أبو قير . إدكو . الدخيله ) ورسوم الميناء الواحد 20 ج ...
وده في ناس كتير أيام التجديد تقدر تاخد ورقك معاهم وتقدم عن طريقهم بس الرسوم هتزيد طبعا نظير خدمة تخليص التصريح
اما الناس الي بتقدر تضيف الميناء الغربي ( حاجز البحريه رأس التين ) ده لازم يبقاله رتبه فالخدمه فالقوات البحريه يكون ضامن ليه علي التصريح لان ده من أصعب وأهم المواني واكثرها تشديدا أمنياً ..
 |
تصاريح الصيد داخل المواني بالإسكندريه |
مواعيد إستخراج التصاريح
1 - بالنسبه لتصريح الصيد الخاص بميناء ( الاسكندريه و الدخيله ) يبدأ تقديم الطلبات من اول 1/12 و 1/6 .
2 - بالنسبه لتجديد وتقديم طلبات تصريح الحواجز ( إدكو . أبو قير . الدخيله . الميناء الغربي ) 1/6 و 1/12 .
( حسب صدور تعليمات من الامن البحري بفتح باب التقديم والتجديد ) ..
* توضيح هااااااااااام ( لا يتم استخراج التصاريح لحاملي بطاقه رقم قومي بمهنه سائق أو بدون عمل ) .
طبعا لو غاوي صيد زيي لازم تزور صفحة تعلم صيد السمك واذا بتتعب من صيد التسقيط يبقي اكيد محتاج تعرف علاج دوار البحر
طبعا لو غاوي صيد زيي لازم تزور صفحة تعلم صيد السمك واذا بتتعب من صيد التسقيط يبقي اكيد محتاج تعرف علاج دوار البحر
تعليقات
إرسال تعليق