صيد السمك فى البنجر

البنجر

 مكان مميز وسمكته حاضره ، والبنجر في نهايتها محطه رفع العكرة واللى اتكلمنا عليها قبل كده
اسمها البنجر نسبة إلى بنجر السكر وهم مجموعة من القرى الزراعيه التى تركز على زراعته و يطلق عليهم نفس الاسم مع اضافة رقم (مثل قرية البنجر ١).

سمك بلطي

لأن مساحته كبيره البنجر ليه اكتر من مدخل: 

١- مدخل بتخش ليه من الكيلو 75 صحراوي واسمه ( الكتكوت ) .
٢- مدخل بعد بوابه رسوم اسكندريه ب 4 كيلو .
٣- مدخل من برج العرب وهوه كالاتي :-
بعد لما تخش برج العرب وتعدي المناطق الصناعيه ( الاولي والثانيه و....)
هيقابلك كوبري هتعديه هتلاقي سكه زراعات هتعديها وتفضل ماشي لحد لما تلاقي يفطه (دير مارمينا ) تخش يمين ( هتلاقي علي شمالك زراعات وعلي يمينك ترعه ) هتكمل لحد لما هتلاقي الميه معديه بالعرض وهى دى البنجر .

العده المطلوبه فى صيد الأسماك في البنجر :

1- بوصه يد ٣ او ٤ متر مش اطول من كده .
2- جردل صغير او زجاجه مياه معدنيه 6 لتر ( علشان هيتحط فيه الصرصار ) "هنصطاد بالصرصار كطعم لصيد السمك" .

3- تستخدم شعر أساسي ١٨ او ١٥ أما للترميل في السلاح شعر ١٢.
4- مجموعة فل حجم صغير جدا (حمصه ) .
5- باكو مدور صغير هنستخدمه بديل للرصاص لأننا مش تستخدم رصاص اصلا لوزن الفله .
6- سنون 8 كفته ( وممكن تشكيله سنون 8 بكرش او 8 لطش ) .
7- قطعه قماش علشان تمسح ايديك.
٨- طاقيه بيضاء قطرها كبير و كمان لو فوطه خفيفه على وشك يكون احسن لان الشمس حاميه .
الطعم المستخدم في الصيد :
أفضل طعم لصيد السمك في منطقة البنجر الصرصار و سعر الصرصار متفاوت (يوجد بعض التجار بتبيعه بالوزن ومتوسط سعر الكيلو  ٢٥ جنيه او بصفيحه السمنه ال 1 كيلو ب 10 جنيه) .
وللحصول علي الصرصار يوجد اكثر من تاجر ومنهم :
1- تامر بالدخيله بجوار الجامع البحرى ت : 01229877550
2- شوقى بالدخيله أمام مطعم فهمى ت : 01200994622
3- محمد السيد ببحرى ش ابو ورده امام باب جمرك رقم 1 ت : 4814773 - 01226933440
4- السيد ببحرى - الأنفوشى أمام المسجد ت : 01283581688

خد بالك بقي  : 

1- ضروري جدا جدا تجهز طعم صيد السمك ( الصرصار) وتتصل بالتاجر قبل اي شي عشان اليوم مينضربش منك وهو دا أكثر طعم اسماك شغال هناك .
2- أثناء صيد الأسماك فيه في الترعه سمك كبير وحضرتك بتصطاد بشعر ضعيف فواجب عليك تسايس السمكه قدر المستطاع ( خصوصا ان الميه جاريه جدا ) .
3- لا بد من تحضير السمك  بالتالي إعرف طريقه التزفير وهى ان حضرتك بتجيب كبشه صراصار صغيرة وبتفركهم وبتكرر الحركه دي كل 3 او 4 رميات وطبعا حضرتك بتطعم صرصار واحد على رأس السن .
4- أثناء الصيد علي قد متقدر البس لبس فاتح لان الشمس هناك جامده ومفيش شجر .
5- صيد السمك هناك محتاج صبر ف لو تقدر تجيب شلته اسفنج معاك ( علشان الارض خرسانه فالشلته بتكون كويسه ) او كرسي .

اخيرا دائما وابدا نرحب باي اضافه والمعلومات كلها عن تجربه شخصيه

عشان تستفيد اكتر ادخل على 

مدونة تعلم صيد السمك للمبتدئين

تابع معنا أيضا للمزيد من الخبره و المعلومات 

أفضل طعم صناعي لصيد السمك

 

الفرق بين سمك البوري و سمك الطوبار 

 

كيف تصطاد الكابوريا

 

صيد الكاليمارى والسوبيط

 

طبعا لو غاوي صيد زيي لازم تزور صفحة تعلم صيد السمك

 
واذا بتتعب من صيد التسقيط يبقي اكيد محتاج تعرف علاج دوار البحر

 
اما لو لسه هتبدأ تتعلم ف شوف كيف تختار البوصه المناسبه ؟

وطبعا تتعلم شويه من موضوع صيد السمك بالسناره للمبتدئين